ÍBV burstaði Fram í Safamýri

Eyjastúlkur gerðu góða ferð í Safamýrina í dag og burstuðu Fram 35-18 í DHL deild kvenna í handknattleik. Staðan í hálfleik var 17-8 fyrir ÍBV. Hildigunnur Einarsdóttir var markahæst Framstúlkna með fimm mörk, en Simona Vintila skoraði ellefu fyrir ÍBV og Pavla Plamínikova skoraði sjö. Þetta var fyrsti leikur dagsins í DHL deild kvenna, en þrír leikir eru á dagskrá klukkan 18. Í Digranesi mætast HK og Grótta, Víkingur tekur á móti Val í Víkinni og þá mætast grannarnir Haukar og FH að Ásvöllum.