Þrír slösuðust í árekstri

Þrír voru fluttir á sjúkrahús eftir harðan árekstur sendibíls og fólksbíls á Njarðarbraut í Reykjanesbæ í gærkvöldi. Fólksbílinn ók aftan á sendibílinn á mikilli ferð við hraðahindrun. Fólksbílinn gjöreyðilagðist og þurfti að flytja hann burt með dráttarbíl. Bílstjórinn og farþegi slösuðust töluvert og ökumaður sendibílsins var líka fluttur á sjúkrahús. Tildrög slyssin eru óljós. Um klukkan hálfsex í morgun valt svo fólksbíll á Reykjanesbrautinni en enginn slasaðist. Bílstjórinn missti stjórn á bílnum sökum hálku og réð ekki neitt við neitt. Að sögn vegfarenda er Njarðarbrautin flughál núna og full ástæða til að fara að öllu með gát og aka hægt.