Borguðu ekki launatengd gjöld

Þrír menn sæta ákæru vegna fyrirtækisins CRM markaðslausna ehf. sem tekið var til gjaldþrotaskipta í sumar, framkvæmdastjóri, stjórnarformaður og stjórnarmaður. Mönnunum er gefið að sök að hafa á árunum 2001 og 2002 látið undir höfuð leggjast að standa skil á 756.000 króna virðisaukaskatti og fyrir að standa ekki skil á launatengdum gjöldum upp á rúmar 4,9 milljónir króna. Þegar málið var þingfest í Héraðsdómi Reykjavíkur í gær neituðu báðir stjórnarmennirnir sök, en framkvæmdastjórinn fór fram á frest til að taka afstöðu til ákærunnar.