Írak: 70 látnir og 160 særðir

Að minnsta kosti 70 létust og um 160 særðust í sjálfsmorðssprengingu í Írak í gær. Árásarmaðurinn sprengdi sig í loft upp við bensínstöð nærri mosku sjíta múslima í borginni Mussayyib, 60 kílómetra suður af Bagdad, höfuðborg Íraks. Þetta er ein versta árás sem gerð hefur verið í landinu frá því Bandaríkjamenn réðust inn fyrir þremur árum en árásum uppreisnarmanna hefur fjölgað mjög að undanförnu og hafa uppreisnarmenn sagt að þeim muni fjölga enn frekar á næstunni, markmiðið sé að komast til valda og Bandaríkjamönnum frá.