Mikil eftirspurn eftir vændi

Íslensk vændiskona, sem auglýsir þjónustu sína á vefsíðunni einkamal.is, segir eftirspurn eftir þjónustunni mikla. Giftir karlar eru hennar helstu viðskiptavinir og segist hún taka 30 þúsund krónur fyrir skiptið. Eins og fréttastofan greindi frá í kvöldfréttum í gær er vændishringur starfræktur á Íslandi og gengur meðal annars listi með nöfnum íslenskra vændiskvenna kaupum og sölum á Netinu fyrir sex þúsund krónur. Haldið verður áfram að fjalla um málið í kvöld þar sem m.a. verður rætt við eina konu sem selur blíðu sína.