Veifaði kynfærum sínum

Stúlku var hrint fyrir utan skemmtistaðinn Traffic í Hafnargötu í Keflavík rétt upp úr fjögur í gærnótt og var óskað eftir aðstoð lögreglunnar í Keflavík þar eð stúlkan meiddist lítillega. Lögreglan var aftur kölluð út að skemmtistaðnum tæpri klukkustund síðar þar sem stúlka hafði sparkað í bifreið eftir að henni hafði verið vísað út af skemmtistaðnum. Örfáum mínútum síðar var lögreglan aftur kölluð út en þá á Aðalgötu, þar sem tilkynnt var um nakinn mann sem var að veifa kynfærum sínum. Lögreglan fann manninn ekki. Einnig bárust lögreglunni fjögur hávaðaútköll þessa sömu nótt.