Heiðar Davíð sigraði í Eyjum

Heiðar Davíð Bragason, kylfingur úr GK lék frábærlega á lokadegi Carlsbergmótsins í golfi sem nýlokið er í í Vestmannaeyjum í dag og vann sigur í karlaflokki. Hann lék samtals á 4 höggum undir pari en lokahringinn í dag lék hann einstaklega vel, á 3 höggum undir pari eða 67 höggum. Í 2. sæti varð Sigurpáll Geir Sveinsson einnig úr Golfklúbbnum Kili í Mosfellsbæ á samtals einu höggi yfir pari og þriðji varð Stefán Már Stefánsson úr GR á 5 höggum yfir pari. Fyrr í dag vann Ragnhildur Sigurðardóttir sigur í kvennaflokki eins og greint hefur verið frá. Samtals lék Ragnhildur á 6 höggum yfir pari vallarins en lokahringinn fór hún á einu höggi undir pari eða 69 höggum. Hún var aðeins einu höggi frá vallarmetinu sem er 68 högg. Önnur varð Anna Lísa Jóhannsdóttir líka úr GR, á 14 höggum yfir pari. Tinna Jóhannsdóttir úr GK varð þriðja á 19 höggum yfir pari og Þórdís Geirsdóttir einnig úr GK varð fjórða á 23 höggum yfir pari.