Tólf gæðastyrkir veittir

Tólf gæðastyrkir voru veittir heilbrigðisstarfsmönnum. Það var Jón Kristjánsson, heilbrigðis- og tryggingamálaráðherra sem veitti þá. Fjörutíu og níu sóttu um styrki að þessu sinni og bárust umsóknir hvaðanæva af landinu. Sótt var meðal annar um styrki til stefnumótunar, skráningar og kóðunar, gerð fræðslubæklinga, sýkingavarna og gæðaeftirlits, forvarna, skólaheilsugæslu, og rafræna samskipta við skjólstæðinga. Tuttugu og sex umsóknir um gæðastyrki bárust frá starfsmönnum Landspítala og sagði ráðherra þegar hann veitti styrkina að það sýndi áhuga starfsmanna spítalans á því að gera þjónustuna betri og markvissari.