Átelur vinnubrögð ráðuneytis

Hann átaldi vinnubrögð ráðneytisins og seinagang við vinnslu umsóknarinnar, sagði það miða allt við meðaltöl, án tillits til ákveðina þátta. Þannig mætti upplýsa að Lilja hefði lagt fram mælingu Hjartaverndar þar sem miðað væri við þyngd hennar, aldur, blóðþrýsting og fleira. Útkoman hefði verið sú að 1,45 prósent líkur væru á því að hún fengi kransæðasjúkdóm á næstu tíu árum. Sömu mælingar hefðu verið settar inn í líkan þar sem líkamsþyngdin hefði verið 30 kílóum minni . Þá hefðu líkurnar verið 1,38 prósent. Mismunurinn hefði verið 0,07 prósent. Ragnar krafðist þess að úrskurður ráðuneytisins yrði felldur úr gildi og viðurkennt yrði fyrir dómi að hún uppfylli öll skilyrði til að ættleiða barn frá útlöndum. Verjandi ríkisins, Sigurður Gísli Gíslason, héraðsdómslögmaður, krafðist þess það yrði sýknað af öllum kröfum.