6 mánaða fangelsi fyrir líkamsárás
Tuttugu og tveggja ára karlmaður var dæmdur í sex mánaða skilorðsbundið fangelsi í Héraðsdómi Reykjavíkur í dag fyrir að hafa slegið mann í andlitið með flösku fyrir utan skemmtistað í Reykjavík í desember árið 2003. Flaskan brotnaði á andliti mannsins með þeim afleiðingum að hann hlaut djúpan skurð í andlitið auk fjölda skurða á enni. Maðurinn var dæmdur til að greiða 200 þúsund krónur í skaðabætur, auk alls sakarkostnaðar, samtals 250 þúsund krónur.
