Heiðar Davíð komst í gegn

Heiðar Davíð Bragason kylfingur úr GKJ komst í dag í gegnum fyrsta niðurskurð fyrir Brabazone Trophy, Opna enska áhugamannameistaramótið í golfi sem hefst á Oxfordshire-vellinum á föstudag. Heiðar lék á 2 höggum undir pari í dag eða 70 höggum og varð efstur ásamt 5 öðrum kylfingum. Á morgun leikur Ottó Sigurðsson úr GKG á síðari degi forkeppninnar og þarf að vera meðal 40 efstu til að komast í gegnum niðurskurðinn en tveir aðrir Íslendingar, Stefán Orri Ólafsson GL og Birgir Vigfússon úr GR fara beint inn á aðalmótið sem hefst á föstudag.