Lá við stórslysi

Litlu munaði að illa færi að mati lögreglunnar þegar stór þungaflutningabíll lenti aftan á kyrrstæðum lögreglubíl í Kömbunum á Hellisheiði í gærmorgun. Var lögreglan þar við skýrslutöku af ökumönnum þriggja bíla sem aður höfðu lent í árekstri. Voru fjórir í lögreglubílnum sem skemmdist talsvert við áreksturinn og varð að flytja alla til læknis til frekari skoðunar. Reyndist fólkið ekki alvarlega slasað og fengu allir að fara til síns heima að skoðun lokinni. Lögreglumaður á vettvangi átti fótum sínum fjör launa en hann var við úttekt á slysstað þegar flutningabíllinn ók á lögreglubílinn. Einhver hálka og krapi var á veginum þegar atvikið átti sér stað en lögregla taldi að ökuhraði flutningabílstjórans hefði þó verið helst til mikill.