Innanlandsflugið til Keflavíkur 7. mars 2005 00:01 Góðan daginn Egill Mig langar að leggja nokkur orð í belg til stuðnings því að leggja niður Reykjavíkurflugvöll. Ég bý ekki í miðborg Reykjavíkur og hef aldrei gert. Ég horfi á þetta frá sjónarhóli ‘útlendings’ og ‘utanbæjarmanns’. Mér finnst liggja ljóst fyrir að við getum ekki rekið tvo meiriháttar flugvelli á Suðvesturhorninu. Sjálfsagt er að allt millilanda- og innanlandsflug á þessu svæði fari um sama völlinn. Ég er ekki í vafa um að það að leggja niður flugvöllinn í Reykjavík og flytja allt innanlandsflug til Keflavíkur geti verið stórkostlegt hagsmunamál fyrir alla Íslendinga ef það er gert sem hluti af víðtækari stefnumótun í samgöngumálum. Þó að ég sé sammála málstaðnum þá finnst mér málflutningur andstæðinga flugvallarins oft hálf kómískur. Það var m.a. fyndinn pistill í Fréttablaðinu um daginn þar sem kona nokkur taldi flugvöllinn, rollurnar og kosningarnar í Idol keppninni allt hluta af sama plottinu og dæmi um níðingshátt landsbyggðarskrílsins gagnvart saklausum borgarbúum. Það er skrítið að halda því fram að flugvöllurinn í Vatnsmýrinni hafi á einhvern hátt valdið Reykvíkingum tjóni, jafnvel óbætanlegum fjárhagslegum skaða. Það er nú þannig að tilviljanir móta oftast líf okkar og umhverfi meira en vel ígrunduð stefnumótun. Það að flugvöllurinn skyldi hafa verið byggður upp í Vatnsmýrinni var að hluta til tilviljun tengd heimstyrjöld sem við höfðum ekkert að segja um. Það er þó augljóst að Reykvíkingar fengu þarna lykilaðstöðu til að byggja upp samgöngumiðstöð fyrir allt landið. Þessi miðstöð varð grunnur að því að þjappa nánast allri opinberri stjórnsýslu og mest öllum opinberum umsvifum saman á einum stað. Landsbyggðarfólk sættist á að sækja þangað alla þjónustu, meðal annars vegna þess að aðgengi í gegnum flugvöllinn var nokkuð gott. Þannig hefur þessi völlur reynst Reykvíkingum ljómandi byggðastyrkur í gegnum tíðina og gerir enn. Það er engum öðrum en Reykvíkingum sjálfum að kenna að borgin skuli hafa verið skipulögð svona dreift. Hafi menn fram að þessum tíma viljað byggja þétt, gátu menn það auðveldlega á öðrum slóðum en akkúrat þarna í mýrinni. Að fjarlægja völlinn er orðinn hluti af nýrri sjálfstæðisbaráttu sumra Borgarbúa (með stóru Béi) sem sjá í flugvellinum síðustu tengingu Borgarinnar við landið. Flugvöllurinn er sveitó, það er fiskifýla af honum. Það liggur kúaskítsslóði undan stígvélum sveitavargsins frá Vatnsmýrinni og inní miðbæ. Hann skal í burtu til að hægt sé að byggja ‘þéttari’, nýtískulegri og menningarlegri borg. Vilji menn menningarlegri borg eru það svo sem alveg jafn góð rök og hvað annað fyrir því að flytja flugvöll. Mér finnst bara að menn eigi að skoða þetta í stærra samhengi og marka skynsamlega stefnu. Ég held semsé að best sé að leggja Reykjavíkurflugvöll niður í heild sinni og flytja allt innanlandsflug til Keflavíkur. En þá er best að gera þetta í einu lagi. Versta lausnin væri að skipta þessu einhvernveginn upp, skilja eftir hálfan völl eða byggja upp annan lítinn flugvöll einhverstaðar í útkanti borgarinnar. Erindi fólks um Reykjavíkurflugvöll er oftast annað af tvennu: ferð til Reykjavíkur eða ferð um flugvöllinn á leið til eða frá Keflavík. Varðandi þá sem koma með flugi til Keflavíkur og eiga erindi útá land væri afar gott að sleppa við þann krók að þurfa að taka rútu inní Reykjavík til að skipta um flugvöll. Flestir munu verða fegnir að losna við að þurfa að krækja inní borgina. Með samræmingu á innanlands- og millilandaflugi verður hægt að stytta ferðatíma og beina umtalsverðum umsvifum framhjá Reykjavík og til ferðaþjónustuaðila á landsbyggðinni. Varðandi þá Íslendinga sem eiga beinlínis erindi til Reykjavíkur þarf flutningur á innanlandsfluginu til Keflavíkur að vera hluti af stærri stefnumótun um samgöngur á landinu öllu. Þrátt fyrir allt miðast í dag talsvert margt í þjónustu opinberra stofnana s.s. háskóla, sjúkrahúsa o.þ.h. við að stuttan tíma taki að komast milli staða. Ég held að aksturstími í kringum 3-4 klukkutíma geri útslagið um það hvort fólk flýgur eða keyrir. Þannig höfum við séð Sauðárkrók og Snæfellsnes detta út sem flug-áfangastaði með bættum vegum. Akureyri er á mörkunum en nær að hanga inni einmitt vegna þess að Reykjavíkurflugvöllur er inni í miðjum bæ og fólk getur því sinnt erindum í borginni en samt komist fram og tilbaka sama dag. Ef við bætum við tveimur klukkutímum á Reykjanesbrautinni mun Akureyrarflugið sennilega snarminnka. Ísafjörður er á mörkunum en með bættum vegasamgöngum má ná aksturstímanum frá Reykjavík og þangað niður í 4 tíma. Og með jarðgöngum og fleiru má ganga að því nokkuð vísu að rennifæri sé ‘í bæinn’ meira og minna allt árið. Eftir mun standa Norðausturhornið, Austfirðir, Suð-Austurland og Vestmannaeyjar. Sjálfsagt er að nota peningana sem sparast frá rekstri og framkvæmdum á Reykjavíkurflugvelli til að byggja upp flugvellina á Ísafirði/Þingeyri, Akureyri, Egilstöðum, Höfn og Vestmannaeyjum með alvöru blindflugsaðstöðu o.þ.h. þannig að framtaksamir einstaklingar geti boðið uppá öruggt farþega- og vöruflug frá Keflavík í nánum tengslum við millilandaflug þaðan, hvenær sem er sólarhringsins. Svo má auðvitað hnykkja á því að almennt virðast menn sammála um að landsbyggðarmenn þurfi ekki endilega að geta lent í miðri borg til að sækja þjónustu til opinberra stofnana ýmiskonar. Þeir geti vel skipulagt tíma sinn betur og lent í Keflavík. Það undirstrikar þá líka þá staðreynd að þessar stofnanir, og ýmsar aðrar sem stofnaðar verða í framtíðinni, geta að sjálfsögðu verið hvar sem er á landinu. Þær þurfa ekkert að vera alveg uppí innanlandsflugvellinum eins og menn hafa haldið fram í áratugi.... . Með kveðju Sigurður Jónsson Kanada (og Ísafirði) Viltu birta grein á Vísi? Sendu okkur póst. Senda grein Silfur Egils Silfur-Bréf Mest lesið Konur sem stinga hvor aðra í bakið Sigríður Svanborgardóttir Skoðun Sameining sem eflir íslenskan landbúnað Egill Gautason Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Það er list að lifa með krabbameini Hlíf Steingrímsdóttir Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Um kynjafræði og pólítík Hanna Björg Vilhjálmsdóttir Skoðun Við fylgjum þér frá getnaði til grafar Benedikt S. Benediktsson Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Fjölbreytileiki er styrkleiki Guðmundur Ingi Kristinsson Skoðun Eitt spilakort, betri spilamenning – er skaðaminnkandi Ingvar Örn Ingvarsson Skoðun Skoðun Skoðun Orðræða mótar menningu – og menningin mótar okkur öll Jóhanna Bárðardóttir skrifar Skoðun Eitt spilakort, betri spilamenning – er skaðaminnkandi Ingvar Örn Ingvarsson skrifar Skoðun Sameining sem eflir íslenskan landbúnað Egill Gautason skrifar Skoðun Konur sem stinga hvor aðra í bakið Sigríður Svanborgardóttir skrifar Skoðun Fjölbreytileiki er styrkleiki Guðmundur Ingi Kristinsson skrifar Skoðun Það er list að lifa með krabbameini Hlíf Steingrímsdóttir skrifar Skoðun Um kynjafræði og pólítík Hanna Björg Vilhjálmsdóttir skrifar Skoðun Við fylgjum þér frá getnaði til grafar Benedikt S. Benediktsson skrifar Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason skrifar Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson skrifar Skoðun Konur á örorku Sigríður Ingibjörg Ingadóttir,Steinunn Bragadóttir skrifar Skoðun Drambið okkar Júlíus Valsson skrifar Skoðun Við vitum Guðrún Jónsdóttir skrifar Skoðun Ekki sama hvaðan gott kemur Magnea Gná Jóhannsdóttir skrifar Skoðun Börn í meðferð eiga rétt á fagfólki orð duga ekki lengur! Steindór Þórarinsson skrifar Skoðun Greindarskerðing eða ofurgáfur með gervigreind Björgmundur Örn Guðmundsson skrifar Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar Skoðun Stöndum saman gegn fjölþáttaógnum Bryndís Haraldsdóttir skrifar Skoðun Hagræðing á kostnað fjölbreytni og gæðamenntunar Ida Marguerite Semey skrifar Skoðun Umbúðir en ekkert innihald í Hafnarfirði Einar Geir Þorsteinsson skrifar Skoðun Við viljum tala íslensku, en hvernig Ólafur Guðsteinn Kristjánsson skrifar Skoðun Mansalsmál á Íslandi Kristján Þórður Snæbjarnarson skrifar Skoðun Hættur heimsins virða engin landamæri Tótla I. Sæmundsdóttir skrifar Skoðun Tímamót í sjálfsvígsforvörnum Ingibjörg Isaksen skrifar Skoðun Yfirgangur, yfirlæti og endastöð Strætó Axel Hall skrifar Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Sjá meira
Góðan daginn Egill Mig langar að leggja nokkur orð í belg til stuðnings því að leggja niður Reykjavíkurflugvöll. Ég bý ekki í miðborg Reykjavíkur og hef aldrei gert. Ég horfi á þetta frá sjónarhóli ‘útlendings’ og ‘utanbæjarmanns’. Mér finnst liggja ljóst fyrir að við getum ekki rekið tvo meiriháttar flugvelli á Suðvesturhorninu. Sjálfsagt er að allt millilanda- og innanlandsflug á þessu svæði fari um sama völlinn. Ég er ekki í vafa um að það að leggja niður flugvöllinn í Reykjavík og flytja allt innanlandsflug til Keflavíkur geti verið stórkostlegt hagsmunamál fyrir alla Íslendinga ef það er gert sem hluti af víðtækari stefnumótun í samgöngumálum. Þó að ég sé sammála málstaðnum þá finnst mér málflutningur andstæðinga flugvallarins oft hálf kómískur. Það var m.a. fyndinn pistill í Fréttablaðinu um daginn þar sem kona nokkur taldi flugvöllinn, rollurnar og kosningarnar í Idol keppninni allt hluta af sama plottinu og dæmi um níðingshátt landsbyggðarskrílsins gagnvart saklausum borgarbúum. Það er skrítið að halda því fram að flugvöllurinn í Vatnsmýrinni hafi á einhvern hátt valdið Reykvíkingum tjóni, jafnvel óbætanlegum fjárhagslegum skaða. Það er nú þannig að tilviljanir móta oftast líf okkar og umhverfi meira en vel ígrunduð stefnumótun. Það að flugvöllurinn skyldi hafa verið byggður upp í Vatnsmýrinni var að hluta til tilviljun tengd heimstyrjöld sem við höfðum ekkert að segja um. Það er þó augljóst að Reykvíkingar fengu þarna lykilaðstöðu til að byggja upp samgöngumiðstöð fyrir allt landið. Þessi miðstöð varð grunnur að því að þjappa nánast allri opinberri stjórnsýslu og mest öllum opinberum umsvifum saman á einum stað. Landsbyggðarfólk sættist á að sækja þangað alla þjónustu, meðal annars vegna þess að aðgengi í gegnum flugvöllinn var nokkuð gott. Þannig hefur þessi völlur reynst Reykvíkingum ljómandi byggðastyrkur í gegnum tíðina og gerir enn. Það er engum öðrum en Reykvíkingum sjálfum að kenna að borgin skuli hafa verið skipulögð svona dreift. Hafi menn fram að þessum tíma viljað byggja þétt, gátu menn það auðveldlega á öðrum slóðum en akkúrat þarna í mýrinni. Að fjarlægja völlinn er orðinn hluti af nýrri sjálfstæðisbaráttu sumra Borgarbúa (með stóru Béi) sem sjá í flugvellinum síðustu tengingu Borgarinnar við landið. Flugvöllurinn er sveitó, það er fiskifýla af honum. Það liggur kúaskítsslóði undan stígvélum sveitavargsins frá Vatnsmýrinni og inní miðbæ. Hann skal í burtu til að hægt sé að byggja ‘þéttari’, nýtískulegri og menningarlegri borg. Vilji menn menningarlegri borg eru það svo sem alveg jafn góð rök og hvað annað fyrir því að flytja flugvöll. Mér finnst bara að menn eigi að skoða þetta í stærra samhengi og marka skynsamlega stefnu. Ég held semsé að best sé að leggja Reykjavíkurflugvöll niður í heild sinni og flytja allt innanlandsflug til Keflavíkur. En þá er best að gera þetta í einu lagi. Versta lausnin væri að skipta þessu einhvernveginn upp, skilja eftir hálfan völl eða byggja upp annan lítinn flugvöll einhverstaðar í útkanti borgarinnar. Erindi fólks um Reykjavíkurflugvöll er oftast annað af tvennu: ferð til Reykjavíkur eða ferð um flugvöllinn á leið til eða frá Keflavík. Varðandi þá sem koma með flugi til Keflavíkur og eiga erindi útá land væri afar gott að sleppa við þann krók að þurfa að taka rútu inní Reykjavík til að skipta um flugvöll. Flestir munu verða fegnir að losna við að þurfa að krækja inní borgina. Með samræmingu á innanlands- og millilandaflugi verður hægt að stytta ferðatíma og beina umtalsverðum umsvifum framhjá Reykjavík og til ferðaþjónustuaðila á landsbyggðinni. Varðandi þá Íslendinga sem eiga beinlínis erindi til Reykjavíkur þarf flutningur á innanlandsfluginu til Keflavíkur að vera hluti af stærri stefnumótun um samgöngur á landinu öllu. Þrátt fyrir allt miðast í dag talsvert margt í þjónustu opinberra stofnana s.s. háskóla, sjúkrahúsa o.þ.h. við að stuttan tíma taki að komast milli staða. Ég held að aksturstími í kringum 3-4 klukkutíma geri útslagið um það hvort fólk flýgur eða keyrir. Þannig höfum við séð Sauðárkrók og Snæfellsnes detta út sem flug-áfangastaði með bættum vegum. Akureyri er á mörkunum en nær að hanga inni einmitt vegna þess að Reykjavíkurflugvöllur er inni í miðjum bæ og fólk getur því sinnt erindum í borginni en samt komist fram og tilbaka sama dag. Ef við bætum við tveimur klukkutímum á Reykjanesbrautinni mun Akureyrarflugið sennilega snarminnka. Ísafjörður er á mörkunum en með bættum vegasamgöngum má ná aksturstímanum frá Reykjavík og þangað niður í 4 tíma. Og með jarðgöngum og fleiru má ganga að því nokkuð vísu að rennifæri sé ‘í bæinn’ meira og minna allt árið. Eftir mun standa Norðausturhornið, Austfirðir, Suð-Austurland og Vestmannaeyjar. Sjálfsagt er að nota peningana sem sparast frá rekstri og framkvæmdum á Reykjavíkurflugvelli til að byggja upp flugvellina á Ísafirði/Þingeyri, Akureyri, Egilstöðum, Höfn og Vestmannaeyjum með alvöru blindflugsaðstöðu o.þ.h. þannig að framtaksamir einstaklingar geti boðið uppá öruggt farþega- og vöruflug frá Keflavík í nánum tengslum við millilandaflug þaðan, hvenær sem er sólarhringsins. Svo má auðvitað hnykkja á því að almennt virðast menn sammála um að landsbyggðarmenn þurfi ekki endilega að geta lent í miðri borg til að sækja þjónustu til opinberra stofnana ýmiskonar. Þeir geti vel skipulagt tíma sinn betur og lent í Keflavík. Það undirstrikar þá líka þá staðreynd að þessar stofnanir, og ýmsar aðrar sem stofnaðar verða í framtíðinni, geta að sjálfsögðu verið hvar sem er á landinu. Þær þurfa ekkert að vera alveg uppí innanlandsflugvellinum eins og menn hafa haldið fram í áratugi.... . Með kveðju Sigurður Jónsson Kanada (og Ísafirði)
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar
Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar
Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar
Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun