Tveir á slysadeild

Tveir meiddust alvarlega í árekstri sem varða á gatnamótum Miklubrautar og Grensásvegar seint í gærkvöld. Að sögn lögreglunnar í Reykjavík voru þeir fluttir á slysadeild meðvitundarlitlir. Þeir voru báðir farþegar í fólksbifreið sem lenti á strætisvagni. Við það kastaðist bíllinn á ljósastaur. Taldi lögreglan að fólksbílnum hefði verið ekið gatnamótin á rauðu ljósi á leið vestur Miklubraut. Strætisvagninum var ekið norður Grensásveg. Frekari upplýsingar um meiðsli mannanna lágu ekki fyrir þegar blaðið fór í prentun í gærkvöldi.