Ríkislögreglustjóri rannsakar

Tæknideild lögreglunnar í Reykjavík fór vestur í Saurbæjarhrepp í Dölum í gær til að rannsaka vettvang atviks sem varð þar í fyrradag. Þá eyðilagði maður lögreglubíl með hjólaskóflu þegar gert var hjá honum fjárnám og einnig leikur grunur á að hann hafi reynt að kveika í íbúðarhúsi sínu. Anna Birna Þráinsdóttir, sýslumaður í Dalasýslu, segir að óskað hafi verið eftir því að Ríkislögreglustjóraembættið annaðist rannsóknina þar sem lögreglan á staðnum væri aðili að málinu. Maðurinn dvelur nú á sjúkrahúsi og er reiknað með að hann verði yfirheyrður eftir helgi.