Krefst nokkurra ára fangelsis

Ríkissaksóknari taldi fjögurra til fimm ára fangelsi hæfilegan dóm þegar refsiákvæði voru reifuð í gær í máli gegn manni sem hefur játað innflutning á tæpu kílói af kókaíni og tæpu kílói af amfetamíni. Ekki var þörf á vitnaleiðslum fyrir dómi þar sem játning í málinu lá fyrir. Skýrsla var tekin af manninum fyrir dómi og vildi hann ekki gefa upp fyrir hvern hann flutti fíkniefnin inn. Maðurinn hefur setið í gæsluvarðhaldi frá því hann var tekinn með fíkniefnin í Leifsstöð í maí.