Látum ljós okkar skína

Látum ljós okkar skína" er áskorun sem hefur verið send á Laugarvatni og í nágrenni í tilefni þess að aðventuskemmtun verður á Laugarvatni á morgun. Hún hefst við grunnskólann kl. 13.30 þar sem Söngkór Miðdalskirkju syngur jólalög og jólamarkaður verður opnaður. Við Héraðsskólann verður kveikt á ljósum Lionjólatrésins í Bjarnarlundi og jólaljósum skólans og að því búnu verður kertafleyting á vatninu. Jólastemning verður í gufubaðinu og að lokum jólahlaðborð í Lindinni.