Stefán Jón harmi sleginn

Stefán Jón Hafstein, borgarfulltrúi R-listans, er harmi sleginn yfir uppsögn Þórólfs Árnasonar. Hann vill ekki staðfesta að Dagur B. Eggertsson verði næsti borgarstjóri - enn sé eftir að ákveða hver taki við af Þórólfi. Stefán sagði m.a. að Þórólfur hafi sett hagsmuni R-listans ofar sínum eigin. Honum finnst borgarstjóra hafa mælst vel þegar hann flutti yfirlýsinguna og gert það glæsilega. Stefáni finnst þetta erfið stund, enda tilfinninganæmur að eigin sögn. Hann kveðst þakklátur fyrir hvernig Þórólfur hafi komið fram í þessu máli og í hvívetna fyrir borgina. Hægt er að sjá viðtalið í heild sinni úr fréttum Stöðvar 2 með því að smella á hlekkinn hér að neðan.