Arftaka Þórólfs leitað 4. nóvember 2004 00:01 Ósennilegt er talið að frammistaða Þórólfs Árnasonar borgarstjóra í sjónvarpsþáttum Stöðvar 2 og Sjónvarpsins í gærkvöld komi í veg fyrir að hann missi starfið. Á átakafundi borgarfulltrúa Reykjavíkurlistans og Þórólfs í fyrrakvöld bað Þórólfur um tækifæri til að kynna sjónarmið sín fyrir borgarbúum áður en ákvörðun yrði tekin um framhaldið, en borgarfulltrúarnir höfðu farið fram á að hann hætti störfum. Þeir urðu hins vegar við bón hans. Viðmælendur Fréttablaðsins úr röðum Vinstri grænna segja að ekkert nýtt hafi komið fram í máli Þórólfs sem breyti þeirri skoðun flokksmanna að hann eigi að segja af sér. Hann hafi komið á fund hjá flokknum á þriðjudagskvöld þar sem hann hafi farið með sömu ræðu. Því telja margir að nú sé að skapast ástand sem ekki verði unað við til lengdar. Þrátt fyrir þetta telja flestir viðmælendur blaðsins að samstarfi Framsóknarflokks, Samfylkingar og Vinstri grænna um Reykjavíkurlista sé ekki að ljúka. Hvorki sé trúnaðarbrestur milli þeirra né málefnaágreiningur. Hins vegar sé ljóst að Vinstri grænir sætti sig ekki við að Þórólfur sitji áfram og að borgarfulltrúar hinna flokkanna hafi sæst á þá afstöðu eins og kom fram á fundinum í fyrrakvöld. Borgarfulltrúar Reykavíkurlistans munu hittast um helgina og ræða leiðir til að leysa þann hnút sem orðinn er. Ýmsar hugmyndir hafa verið ræddar um hver geti tekið við af Þórólfi. Búið var að gera tillögu um Dag B. Eggertsson borgarfulltrúa, en þegar Þórólfur neitaði að víkja var ekki hægt að taka afstöðu til hennar. Talið er að Framsóknarmenn og Vinstri grænir geti illa sætt sig við Dag. Hann er af mörgum talinn tengjast Samfylkingunni þrátt fyrir að vera óháður innan listans auk þess sem hann hefur skrifað fjölda greina þar sem hann hefur gagnrýnt ríkisstjórn Framsóknarflokksins. Einn viðmælandi blaðsins sagði að flokkarnir tveir þyrftu allra síst á því að halda að ala upp leiðtoga fyrir Samfylkinguna í Reykjavík. Aðrir töldu Dag of ungan og reynslulítinn til að gegna starfinu en hann er 32 ára. Þess má geta að Davíð Oddsson utanríkisráðherra var 34 ára þegar hann varð borgarstjóri árið 1982. Fleiri hafa verið nefndir til sögunnar. Sumir vilja kalla Ingibjörgu Sólrúnu Gísladóttur aftur til starfa. Hins vegar er talið nánast útilokað að hún samþykki slíkt þar sem hún líti svo á að þeim kafla í pólitískum ferli sínum sé lokið. Þá hafa nöfn Stefáns Jóns Hafstein, Árna Þórs Sigurðssonar og Alfreðs Þorsteinssonar verið nefnd. Þá er ekki útilokað að embættinu verði skipt á milli flokkanna eftir málefnaflokkum þannig að borgarstjórarnir verði þrír. Það á sér fordæmi því Auður Auðuns og Geir Hallgrímsson gegndu embættinu samtímis um nokkurt skeið fyrir Sjálfstæðisflokkinn. Borgarfulltrúarnir hafa hins vegar ekki langan tíma til að komast að niðurstöðu þar sem Vinstri grænir koma saman til félagsfundar á þriðjudag til að ræða samstarfið í Reykavíkurlistanum. Þar þarf að liggja fyrir niðurstaða sem flokksmenn geta sætt sig við, annars má búast við að þolinmæði manna sé á þrotum. Fréttir Innlent Samráð olíufélaga Stj.mál Mest lesið „Eins og að fá hnefahögg í andlitið“ Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Innlent Skoða að efla geðheilbrigðisþjónustu á Austurlandi eftir röð áfalla Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Bílvelta í Kömbunum Innlent Starfsfólk Alcoa vilji setja fyrirtækinu mörk Innlent Fleiri fréttir Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Sjá meira
Ósennilegt er talið að frammistaða Þórólfs Árnasonar borgarstjóra í sjónvarpsþáttum Stöðvar 2 og Sjónvarpsins í gærkvöld komi í veg fyrir að hann missi starfið. Á átakafundi borgarfulltrúa Reykjavíkurlistans og Þórólfs í fyrrakvöld bað Þórólfur um tækifæri til að kynna sjónarmið sín fyrir borgarbúum áður en ákvörðun yrði tekin um framhaldið, en borgarfulltrúarnir höfðu farið fram á að hann hætti störfum. Þeir urðu hins vegar við bón hans. Viðmælendur Fréttablaðsins úr röðum Vinstri grænna segja að ekkert nýtt hafi komið fram í máli Þórólfs sem breyti þeirri skoðun flokksmanna að hann eigi að segja af sér. Hann hafi komið á fund hjá flokknum á þriðjudagskvöld þar sem hann hafi farið með sömu ræðu. Því telja margir að nú sé að skapast ástand sem ekki verði unað við til lengdar. Þrátt fyrir þetta telja flestir viðmælendur blaðsins að samstarfi Framsóknarflokks, Samfylkingar og Vinstri grænna um Reykjavíkurlista sé ekki að ljúka. Hvorki sé trúnaðarbrestur milli þeirra né málefnaágreiningur. Hins vegar sé ljóst að Vinstri grænir sætti sig ekki við að Þórólfur sitji áfram og að borgarfulltrúar hinna flokkanna hafi sæst á þá afstöðu eins og kom fram á fundinum í fyrrakvöld. Borgarfulltrúar Reykavíkurlistans munu hittast um helgina og ræða leiðir til að leysa þann hnút sem orðinn er. Ýmsar hugmyndir hafa verið ræddar um hver geti tekið við af Þórólfi. Búið var að gera tillögu um Dag B. Eggertsson borgarfulltrúa, en þegar Þórólfur neitaði að víkja var ekki hægt að taka afstöðu til hennar. Talið er að Framsóknarmenn og Vinstri grænir geti illa sætt sig við Dag. Hann er af mörgum talinn tengjast Samfylkingunni þrátt fyrir að vera óháður innan listans auk þess sem hann hefur skrifað fjölda greina þar sem hann hefur gagnrýnt ríkisstjórn Framsóknarflokksins. Einn viðmælandi blaðsins sagði að flokkarnir tveir þyrftu allra síst á því að halda að ala upp leiðtoga fyrir Samfylkinguna í Reykjavík. Aðrir töldu Dag of ungan og reynslulítinn til að gegna starfinu en hann er 32 ára. Þess má geta að Davíð Oddsson utanríkisráðherra var 34 ára þegar hann varð borgarstjóri árið 1982. Fleiri hafa verið nefndir til sögunnar. Sumir vilja kalla Ingibjörgu Sólrúnu Gísladóttur aftur til starfa. Hins vegar er talið nánast útilokað að hún samþykki slíkt þar sem hún líti svo á að þeim kafla í pólitískum ferli sínum sé lokið. Þá hafa nöfn Stefáns Jóns Hafstein, Árna Þórs Sigurðssonar og Alfreðs Þorsteinssonar verið nefnd. Þá er ekki útilokað að embættinu verði skipt á milli flokkanna eftir málefnaflokkum þannig að borgarstjórarnir verði þrír. Það á sér fordæmi því Auður Auðuns og Geir Hallgrímsson gegndu embættinu samtímis um nokkurt skeið fyrir Sjálfstæðisflokkinn. Borgarfulltrúarnir hafa hins vegar ekki langan tíma til að komast að niðurstöðu þar sem Vinstri grænir koma saman til félagsfundar á þriðjudag til að ræða samstarfið í Reykavíkurlistanum. Þar þarf að liggja fyrir niðurstaða sem flokksmenn geta sætt sig við, annars má búast við að þolinmæði manna sé á þrotum.
Fréttir Innlent Samráð olíufélaga Stj.mál Mest lesið „Eins og að fá hnefahögg í andlitið“ Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Innlent Skoða að efla geðheilbrigðisþjónustu á Austurlandi eftir röð áfalla Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Bílvelta í Kömbunum Innlent Starfsfólk Alcoa vilji setja fyrirtækinu mörk Innlent Fleiri fréttir Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Sjá meira