Þrjátíu létust í sprengingum

Allt að þrjátíu og þrír, bæði írakskir borgarar og bandarískir hermenn, létu lífið í tveimur sprengjutilræðum í suðurhluta Bagdads nú fyrir stundu. Sprengjurnar sprungu skammt frá bílalest bandarískra hermanna. Sú seinni sprakk þegar hermennirnir reyndu að aðstoða þá sem særðust í fyrstu sprengingunni. Arabíska sjónvarpsstöðin Al Jazeera sýndi í morgun sjónvarpsupptöku frá írökskum öfgahópi sem segist hafa rænt tíu manns í Írak: sex Írökum, tveimur konum frá Indónesíu og tveimur frá Líbanon. Fólkið vinnur allt hjá rafeindafyrirtæki í landinu. Öfgahópurinn, sem kallar sig „Her Íslams“, hefur enn ekki sett fram neinar kröfur.