Gíslar látnir lausir

Uppreisnarmenn hafa látið nokkra gísla lausa í Írak í morgun en þeir eru flestir bílstjórar eða vinna fyrir erlend fyrirtæki sem starfa fyrir Bandaríkjaher. Fyrirtækin hafa í flestum tilfellum lofað að draga starfsemi sína út úr Írak til að fá gíslana lausa. Á meðal þeirra sem látnir hafa verið lausir eru tveir Tyrkir. Fjórir jórdanskir gíslar voru frelsaðir þegar hópur írakskra manna réðst inn í hús þar sem þeim var haldið og leysti þá úr haldi án átaka. Að sögn gíslanna voru mannræningjarnir á eftir peningum.