Buddan og börnin

1. Ekki vafra á netinu og panta þér endalaust mikið af þungum og stórum barnavörulistum. Þú þarft ekki allt þetta dýra dót og svo taka vörulistarnir líka alltof mikið pláss. Kauptu bara það nauðsynlegasta 2. Kíktu í smáauglýsingarnar og út í næstu búð eftir auglýsingum um notaðar barnavörur sem þú gætir nýtt þér. Margt sem er verið að selja lítur út eins og nýtt og barnið þitt finnur aldrei muninn 3. Leggðu barnabæturnar inn á sérreikning og athugaðu hvort ekki er hægt að spara aðeins eftir útgjöld mánaðarins 4. Fáðu þér bókasafnsskírteini og leigðu spólur og geisladiska fyrir nánast ekki neitt í staðinn fyrir að kaupa það. Á flestum bókasöfnum er líka sögustund reglulega sem börnin hafa gaman að 5. Ekki kaupa dýra merkjavöru heldur kíktu frekar í ódýru búðirnar til að finna föt og aðrar vörur fyrir barnið þitt. 6. Hafðu alltaf nesti með ef þú ferð eitthvert á flakk. Reyndu að komast hjá því að stoppa í sjoppum eftir svala og kexi því það er miklu dýrara. 7. Skapaðu stemmingu heima fyrir. Kauptu leir eða málningu og leyfðu barninu þínu að fá útrás fyrir sköpunargáfuna. 8. Ekki henda neinu. Krökkum finnst gaman að klæða sig upp í alls konar leikjum og nýta drasl sem þeir finna hér og þar um húsið. Allt er hægt að endurnýta. 9. Reyndu að finna sýningar og söfn sem ókeypis er inn á. Börnin kunna ef til vill ekki að meta listina en finnst gaman að hlaupa um tóma gangana og kynnast einhverju nýju og spennandi