Innherji
ISNIC verðmetið á meira en fjóra milljarða við sölu til sjóðs Stefnis
Allt hlutafé Internets á Íslandi, sem sér um rekstur .is lénakerfisins, var verðmetið á vel yfir fjóra milljarða króna þegar framtakssjóður í rekstri Stefnis keypti meirihluta í félaginu snemma árs í fyrra. Ríkissjóður nýtti sér ekki forkaupsrétt til að stíga inn í viðskiptin.
Telur stjórnarmenn þurfa að útskýra fyrir hluthöfum breytta afstöðu til samruna
Fjárfestirinn Bjarni Ármannsson segist „ekki trúa öðru“ en að stjórnir Íslandsbanka og Skaga muni á aðalfundi félaganna í komandi viku gera efnislega grein fyrir því gagnvart hluthöfum af hverju samrunaviðræðum var slitið og kallar eftir því að lífeyrissjóðir hafi skoðun á slíkum „strategískum ákvörðunum.“ Þá er Bjarni, annar stærsti hluthafi Skaga, afar gagnrýninn á að ekki hafi verið upplýst um hvaða fjárfestar voru í samfloti með Heiðari Guðjónssyni þegar óskað var eftir hluthafafundi í Íslandsbanka í því skyni að efna til stjórnarkjörs og segir slíka „leyndarhyggju ekki vera í lagi“ þegar um sé að ræða kerfislega mikilvægan banka.
Sjóðir Stefnis byggja upp stöðu í Bláa lóninu í aðdraganda skráningar
Sjóðastýringarfyrirtækið Stefnir hefur nýlega fest kaup á drjúgum eignarhlut í Bláa lóninu, sennilega verðmætasta ferðaþjónustufyrirtæki landsins, en stjórnendur og aðaleigendur félagsins vinna nú að undirbúningi við skráningu á markað sem stefnt er að næstkomandi haust.
Er íslenskt samfélag undirbúið fyrir gervigreindarbyltinguna?
Margir hafa bent á að gervigreind muni leiða til aukinnar framleiðni, nýrra tækifæra og hraðari hagvaxtar. Það er líklega rétt til lengri tíma. En saga tækniframfara sýnir einnig að slíkar breytingar geta haft djúpstæð áhrif á vinnumarkað og efnahagskerfi og oft gerist það hraðar en fólk gerir sér grein fyrir í upphafi.
Að gefa rétt spil á hendi
Það er umhugsunarvert hvernig oft er talað um fjármál, að þau séu flókið og jafnvel dálítið ógnvekjandi fyrirbæri. Sem þau geta vissulega verið. Tölur, sparnaður, vextir, markaðir og fjárfestingar, virðast mörgum eingöngu tilheyra sérfræðingum í fjármálum, en ekki öðrum. Fjármál eiga samt alls ekki að vera framandi, enda eru þau hluti af daglegu lífi okkar allra.
Spá því að peningastefnunefnd verði „nauðbeygð“ til að hækka vexti
Verðbólguvæntingar hafa aukist á alla mælikvarða á undanförnum vikum, sem hefur þýtt talsvert minnkandi aðhaldsstig peningastefnunnar, og er Seðlabankinn þess vegna „nauðbeygður“ til að hækka vexti um 25 punkta í næstu viku, að mati greinenda IFS. Útlit er fyrir að verðbólgan muni aukast enn frekar í mars og bankinn þurfi að bregðast hratt við „óheppilegri framvindu“ síðustu mánuði.
Evrópa fer á mis við 30 billjóna dala tækifæri í lífeyrismálum
Það er ekki auðvelt að umbreyta þungum gegnumstreymiskerfum Frakklands og Þýskalands yfir í sjóðasöfnun eins og tíðkast í Danmörku, Hollandi og Svíþjóð. En ávinningurinn yrði mikill. Ef öll ESB-lönd ættu lífeyriseignir að verðmæti 140% af vergri landsframleiðslu þá myndu þessir sjóðir rúma næstum 30 billjónir Bandaríkjadala.
Mæla með kaupum í Sjóvá en „hörð samkeppni“ haft neikvæð áhrif
Rekstrarumhverfi Sjóvá einkennist af mikilli óvissu á eignamörkuðum og aukinni samkeppni í tryggingarstarfseminni, að sögn greinenda, en félagið er samt talið nokkuð undirverðlagt og fjárfestum ráðlagt að bæta við sig bréfum.
Erlendir sjóðir bæta enn við sig í ríkisbréfum þótt raunvaxtamunur minnki
Fjórða mánuðinn í röð voru erlendir fjárfestingarsjóðir að bæta við sig í íslenskum ríkisverðbréfum þrátt fyrir að raunvaxtamunur Íslands gagnvart útlöndum hafi heldur farið minnkandi á sama tíma.
Gengi Íslandsbanka réttir úr kútnum eftir að Capital Group selur sig út
Tæplega tveimur mánuðum eftir að Capital Group, þá stærsti erlendi fjárfestirinn í hluthafahópi Íslandsbanka, byrjaði skipulega að minnka eignarhlut sinn hefur sjóðastýringarrisinn núna selt sig út en yfir níu milljarða velta hefur verið með bréf bankans í dag.
Fylgjandi „meira frelsi“ í fjárfestingum lífeyrissjóða en vill efla kröfur og eftirlit
Þrátt fyrir að segjast vera fylgjandi þeim „umfangsmiklu tilslökunum“ sem til stendur að gera á fjárfestingarheimildum lífeyrissjóðanna þá er Seðlabankinn nokkuð gagnrýninn á að ekki sé gengið lengra í því sem hann telur „brýnar“ mótvægisaðgerðir, meðal annars þegar kemur að því að efla kröfur um stjórnarhætti og innra eftirlit sjóðanna.
Ætla að fækka aðalmönnum í bankaráði í Landsbankans
Á komandi aðalfundi Landsbankans stendur meðal annars til að fækka þeim aðalmönnum sem sitja í bankaráði bankans um tvo talsins og feta þannig í fótspor Arion banka sem gerði slíkt hið sama fyrir fáeinum árum.
Kallar eftir betri rökstuðningi hvernig eigi að hífa arðsemina upp í 13 prósent
Áform Íslandsbanka að skila að lágmarki þrettán prósenta arðsemi innan fárra ára þýðir að stefnt er að umtalsverðum rekstrarbata og í nýrri greiningu, sem lækkar lítillega verðmatið á bankanum, er kallað eftir því að stjórnendur útskýri og rökstyðji betur hvernig eigi að ná því markmiði. Þá er varað við því að róðurinn gæti þyngst hratt í ár núna þegar er að teiknast upp umhverfi kreppuverðbólgu sem er „allt að því fjandsamlegt fyrir fjárfestingarbankastarfsemi.“
Stríðið í Íran er forskrift að leiðindum á mörkuðum
Fjárfestar nefna reglulega geopólitík sem vaxandi áhættu fjármálamarkaða og virðast hafa gert það með réttu. Stigmögnun stríðsátaka á milli Írans og bandalagsþjóðanna Ísraels og Bandaríkjanna hefur valdið því að orkuverð hækkar hratt og bæði hlutabréfa- og skuldabréfamarkaðir hafa lækkað á sama tíma.
Verðlagning hlutabréfa við sögulegt meðaltal í lok febrúar
Samtala raunhagnaður síðustu tólf mánaða fyrir Úrvalsvísitöluna er svipaður og árið 2022, en hægfara og stöðug aukning verðlagsleiðrétts hagnaðar til lengri tíma endurómar árið 2017.
Sjálfstæðisbaráttan tekur á sig nýja mynd
Álitaefnið er ekki hvort Ísland eigi að eiga samskipti við aðrar þjóðir, heldur hver skuli fara með ákvörðunarvaldið í þeim samskiptum. Spurningin sem lögð var fram árið 1795 lifir því enn. Samstarf við aðrar þjóðir er nauðsynlegt en samruni við yfirþjóðlegt vald er allt annar handleggur. Reynsla sögunnar bendir eindregið til þess að áhyggjur af fullveldi þjóðarinnar hafi ekki alltaf verið ástæðulausar.
Nefndin „föst í eitruðum kokteil“ og þarf að láta glitta í mögulega vaxtahækkun
Þróunin frá síðustu vaxtaákvörðun hefur verið einstaklega óhagstæð en peningastefnunefnd er núna „föst í eitruðum kokteil“ þar sem fer saman hækkandi verðbólga, aukið atvinnuleysi, kólnandi hagkerfi og verðbólguvæntingar rokið upp. Ef ekki á illa að fara, að mati greinenda Acro verðbréfa, þá þarf nefndin núna að „standa í lappirnar“ með mun hvassari tóni í yfirlýsingu sinni en áður og gefa út skýr skilaboð um að hún sé reiðubúin að hækka vexti.
Brýnt að „varna“ því að útflutningsgreinar glími við of miklar kostnaðarhækkanir
Núna er þörf á „meiri varfærni og festu“ við stjórn ríkisfjármála samhliða því að hrint er í framkvæmd „metnaðarfullum“ efnahagsumbótum, að því er segir í sérstöku minnisblaði fjármála- og efnahagsráðherra, eigi að takast að rjúfa þá „stöðnun lífskjara“ sem er sögð hafa varað í nærri áratug. Þá er sagt brýnt að koma í veg fyrir að kostnaðarhækkanir í útflutningsgreinum séu umfram það sem þekkist í nágrannaríkjum, einkum við núverandi efnahagsaðstæður.
Hækka enn verðmöt sín og segja yfirstandandi ár vera „lykilár“ fyrir Oculis
Greinendur erlendra fjármálastofnana halda uppteknum hætti og hafa hækkað verðmöt sín á Oculis eftir uppgjör fjórða fjórðungs, sumir um meira en fimmtíu prósent. Yfirstandandandi ár er sagt vera „lykilár“ þegar kemur að niðurstöðum rannsókna á tveimur lyfjum og verði þær jákvæðar gæti það skilað sér í „verulegri“ hækkun á hlutabréfaverðinu.
Fær 19 milljörðum meira í arð frá Landsbankanum en var áætlað í fjárlögum
Ákvörðun bankaráðs Landsbankans að leggja til sérstaka arðgreiðslu þýðir að ríkissjóður mun fá í sinn hlut samtals tæplega 35 milljarða frá bankanum, sem er nærri tuttugu milljörðum hærri fjárhæð en var gert ráð fyrir í forsendum fjárlaga fyrir þetta ár.
Skel metið á „hálfvirði“ í samanburði við önnur félög í smásölu og þjónustu
Markaðsgengi Skel er um þrjátíu prósent lægra en jafngildir innra virði þess, sem má meðal annars rekja til óvissu um virði óskráðra eigna, en í nýrri greiningu er fjárfestingafélagið sagt verulega vanmetið á markaði. Þar er þeirri spurningu velt upp hvort munurinn í verðlagningu á Skel borið saman við önnur skráð félög sem starfa í smásölu og þjónustu „eigi að vera svona gríðarlega mikill“ en fjárfestingafélagið er í þeim samanburði á tæplega „hálfvirði“ miðað við það sem reksturinn skilar hluthöfum í hagnað.
Kaupa atNorth á háum verðmargfaldara líkt og þekkt er við sölu gagnavera
Miðað við áætlaðan rekstrarhagnað atNorth, sem byggir meðal annars á þegar tryggðum samningum við viðskiptavini, þá var fjögurra milljarða dala verðlagningin á félaginu í sölu til CPP og Equinix nokkuð í takti við þá háu verðmargfaldara sem þekkjast í viðskiptum með gagnaver sem geta stækkað frekar og mætt eftirspurn frá tæknifyrirtækjum á sviði gervigreindar.
Jóhann hættir störfum hjá Alvotech og fjárfestingarfélaginu Aztiq
Jóhann G. Jóhannsson, framkvæmdastjóri hjá Alvotech og einn stofnenda fjárfestingafélagsins Aztiq, er hættur störfum hjá fyrirtækjunum en hann hefur verið meðal lykilstjórnenda hjá samstæðunni í nærri tvo áratugi.
Fjárfestar hófu árið með því að selja áfram í hlutabréfasjóðum
Þrátt fyrir að fyrsti mánuður ársins hafi farið vel af stað á hlutabréfamarkaði þá héldu fjárfestar uppteknum hætti og seldu sig út úr innlendum hlutabréfasjóðum. Á sama tíma hélt hins vegar fjármagn áfram að streyma í skuldabréfasjóði fyrir milljarða króna.
Brim vill gera breytingar á verðmiðanum í fyrirhuguðum risakaupum á Lýsi
Fyrirhuguð kaup Brims á öllu hlutafé Lýsis fyrir samtals þrjátíu milljarða, sem tilkynnt var um síðasta haust, eru ekki enn komin á borð stjórnar en forstjóri sjávarútvegsfyrirtækisins segir að félögin séu „ekki alveg sammála um verðið“ í viðskiptunum. Hlutabréfaverð Brims hefur hækkað um nærri fimmtíu prósent á síðustu mánuðum samhliða því að afurðaverð hefur verið í hæstu hæðum, sem skilaði sér í feykilega sterku uppgjöri undir lok ársins, en forstjórinn telur samt gengi krónunnar vera „alltof sterkt“ um þessar mundir.
„Kom verulega á óvart“ að ekki tókst að semja um verð vegna mikillar samlegðar
Samruni Íslandsbanka og Skaga hefði getað skilað báðum félögum töluverðum ávinningi, jafnvel mun meiri en þeirri áætluðu samlegð sem var gefin út, og því kom það „verulega á óvart“ að ekki hafi tekist að endursemja um nýja verðskilmála, að sögn hlutabréfagreinenda. Verðmat á Íslandsbanka hefur verið hækkað nokkuð, meðal annars vegna væntinga um betri arðsemi, en uppfærð fjárhagsleg markmið stjórnenda eru sögð vera „afar metnaðarfull“ en alls ekki ógerleg.
Partners Group staðfestir sölu á atNorth fyrir nærri fimm hundruð milljarða
Bandaríska félagið Equinix og kanadíski lífeyrissjóðurinn CPP hafa í sameiningu gengið frá samkomulagi um að kaupa atNorth, sem á rætur sínar að rekja til Íslands, af Partners Group og er gagnaversfyrirtækið verðmetið á tæplega fimm hundruð milljarða íslenskra króna í viðskiptunum. Samhliða sölunni hefur Partners Group skuldbundið til að endurfjárfesta í atNorth og eignast allt að tíu prósenta hlut.
Sala á gagnaversfélaginu atNorth að klárast fyrir um 500 milljarða
Bandarískur gagnaversrisi í samfloti með kanadískum lífeyrissjóði er að leggja lokahönd á samkomulag um að kaupa félagið atNorth Holding, sem rekur meðal annars fjölmörg gagnaver hér á landi, fyrir samtals um fjóra milljarða Bandaríkjadala.
Verðbólguálagið á markaði rýkur upp eftir enn eina „svarta“ verðbólgumælingu
Verðbólguvæntingar skuldabréfafjárfesta til skamms tíma hafa versnað verulega eftir nýja mælingu á vísitölu neysluverðs í morgun sem sýndi, þriðja mánuðinn í röð, talsvert meiri hækkun milli mánaða en svartsýnustu spár greinenda höfðu gert ráð fyrir.
Landsréttur skilgreinir mörk innherjaupplýsinga
Síðastliðinn 12. febrúar dæmdi Landsréttur í máli þar sem stefnandi, Síminn hf., áfrýjaði dómi Héraðsdóms. Að mati stefnanda byggði áfrýjun á ætlaðri rangri ákvörðun og stjórnvaldssekt fjármálaeftirlitsnefndar Seðlabanka Íslands og íslenska ríkisins sem nam 1,2% af ársfjórðungsveltu þess tíma.
