Innherji
Óttast „harða lendingu“ með efnahagssamdrætti og verulegu atvinnuleysi
Skýr merki eru komin fram um að hagkerfið sé að kólna mun hraðar en flestar hagspár hafa gert ráð fyrir og hætta er á að áfram dragi úr hagvexti á næsta ári samhliða verulega auknu atvinnuleysi, að mati greinenda Acro. Þeir óttast að þrálát verðbólga og háar verðbólguvæntingar komi í veg fyrir að Seðlabankinn geti brugðist við versnandi efnahagsástandi með vaxtalækkunum og að niðurstaðan verði „hörð lending“.
Verðlagning hlutabréfa enn hófleg í sögulegu samhengi
CAPE-hlutfall íslensku Úrvalsvísitölunnar er nú undir eigin sögulegu meðaltali, á meðan sambærilegt hlutfall fyrir bandarísku hlutabréfavísitöluna S&P 500 stendur umtalsvert hærra.
Eik kallar eftir rýmri heimildum til tíðari arðgreiðslna
Stjórnendur Eikar leggja til að lögum verði breytt þannig að skráð félög geti með einfaldari hætti dreift arðgreiðslum yfir árið, meðal annars með ársfjórðungslegum greiðslum eins og þekkist víða annars staðar. Fasteignafélagið telur núverandi fyrirkomulag óþarflega íþyngjandi miðað við nágrannalönd, draga úr samkeppnishæfni hlutabréfamarkaðarins og leiða til óhagkvæmari fjárstýringar.
Markaðurinn vanmetið gjaldeyrisinnflæðið af uppbyggingu gagnavera
Peningastefnan er að hjálpa við að draga úr vexti einkaneyslu og fjárfestingu, sem veldur minni innflutningi á sama tíma viðskiptakjör útflutningsgreina eru góð, en það hefur ýtt undir mikla gengisstyrkingu á krónunni og þá er líklegt að markaðurinn hafi vanmetið gjaldeyrisáhrifin af stórfelldri uppbyggingu gagnavera, að sögn seðlabankastjóra. Hann telur bankakerfið hafa búið vel í haginn til að takast á við óróleika á erlendum mörkuðum og það fyrirfinnist vart fyrirtæki sem er mjög skuldsett í erlendri mynt og gæti lent í vandræðum vegna endurfjármögnunar í útlöndum.
Væntingar um minni lánavöxt og hækkun bankaskatts þrýsta niður virði Kviku
Verðmat á Kviku hefur verið lækkað nokkuð eftir að afkoman reyndist undir væntingum annan ársfjórðunginn í röð og vegna neikvæðra áhrifa sem hækkun bankaskatts hefur á virði félagsins. Þjónustutekjur hafa dregist talsvert saman og þótt útlánavöxtur hafi verið mikill er nú talið hæpið, að mati hlutabréfagreinanda, að bankinn nái áður settum vaxtarmarkmiðum.
Fjárfestar snúa aftur í blandaða sjóði eftir nær stöðugt útflæði
Eftir nánast stöðugt útflæði úr blönduðum sjóðum á undanförnum misserum hefur orðið viðsnúningur núna og fjárfestar bætt við sig í þeim fyrir marga milljarða á síðustu tveimur mánuðum. Á sama tíma er hins vegar ekkert lát á innlausnum í hlutabréfasjóðum.
Telja að erlend fjárfestingaráform Íslandsbanka séu komin á ís
Líklegt er að Íslandsbanki hafi að minnsta kosti frestað áformum sínum um fjárfestingar í erlendri fjármálastarfsemi, að mati hlutabréfagreinanda, en mikil endurkaup eigin bréfa og hraður vöxtur erlendra útlána benda til þess að bankinn hafi breytt áherslum við ráðstöfun á umfram eigið fé. Þá mun hækkun sérstaks bankaskatts gera Íslandsbanka erfiðara um vik að ná arðsemismarkmiðum sínum til lengri tíma og setur bankann í lakari stöðu að því leyti en helstu keppinauta hans.
Hluthafar og nýir fjárfestar leggja Brandr til um 145 milljónir
Vörumerkjastofan Brandr hefur lokið við hlutafjáraukningu upp á um 145 milljónir króna. Núverandi hluthafar í fyrirtækinu lögðu fram nýtt fjármagn, en einnig komu inn í eigendahópinn nýir hluthafar frá Íslandi og Bretlandi.
Erlendir bókunarrisar sagðir taka til sín sífellt stærri hluta hagnaðarins
Vaxandi ítök alþjóðlegra bókunar- og sölusíðna þrengja verulega að kaupendastyrk íslenskra ferðaþjónustufyrirtækja og taka til sín stóran hluta tekna af erlendum ferðamönnum. Hjá dæmigerðu fyrirtæki í greininni er bein sala til ferðamanna aðeins talin nema um 15 til 30 prósentum af heildartekjum en um 70 prósent sölunnar fer í gegnum sölusíður, ferðaskrifstofur eða aðra milliliði.
Samrunanum ætlað að renna fleiri stoðum undir Bláa lónið utan Svartsengis
Fyrirhugaður samruni Bláa Lónsins og Arctic Adventures á meðal annars að renna styrkari stoðum undir áform um skráningu ferðaþjónusturisans í Kauphöll og draga úr rekstraráhættu sem tengist jarðhræringum í Svartsengi. Stjórnendur félaganna telja „nauðsynlegt“ að ná fram meiri stærðarhagkvæmni í íslenskri ferðaþjónustu.
Mikil gengisstyrking krónunnar knýr Seðlabankann í sín fyrstu inngrip í eitt ár
Eftir mikla gengisstyrkingu krónunnar að undanförnu þá sá Seðlabankinn ástæða til að stíga inn á millibankamarkaðinn í dag með sérstökum inngripum og keypti gjaldeyri til að vega á móti gengishækkuninni. Þetta eru fyrstu gjaldeyrisinngrip bankans í ríflega eitt ár en raungengi krónunnar er núna í hæstu hæðum.
Telur litla veltu og virkni á hlutabréfamarkaði vera „raunverulegt vandamál“
Seðlabankastjóri telur minnkandi virkni á íslenskum hlutabréfamarkaði, meðal annars samhliða sífellt meiri samþjöppun lífeyriskerfisins, vera „raunverulegt vandamál“ og segir ástæðu til að ræða hvort stjórnvöld eigi að skapa aukna hvata fyrir almenning til að fjárfesta á markaði. Lífeyrissjóðir séu í eðli sínu langtímafjárfestar og því verði hlutabréfamarkaður þar sem þeir eru ráðandi seint mjög líflegur.
Tugmilljarða fjárfestingar bíða eftir skýrum leikreglum stjórnvalda
Við búum yfir auðlindunum, þekkingunni og markaðsaðganginum. Fyrirtækin í greininni, hluthafar þeirra og aðrir fjárfestar hafa þegar sýnt vilja og getu til að ráðast í umfangsmiklar fjárfestingar. Nú þurfa stjórnvöld að fylgja eftir eigin stefnu og tryggja að lagaumhverfið verði ekki dragbítur á vöxt og uppbyggingu í greininni.
Hærri markaðsvextir toga verðmat Ása niður þrátt fyrir bættar rekstrarhorfur
Verðmat á Ásum, áður Símanum, lækkar nokkuð frá fyrra mati þrátt fyrir að rekstrarspá hafi verið færð upp eftir kaup félagsins á Greiðslumiðlun Íslands. Hækkandi markaðsvextir vega þar þyngst en greinendur verðmeta hlutabréfin engu að síður langt yfir markaðsgengi.
Mælist til að bankarnir „safni eigin fé“ og séu umfram kröfur Seðlabankans
Núna þegar það kann að reyna á viðnámsþrótt fjármálakerfisins, meðal annars vega óróleika á alþjóðlegum mörkuðum og erfiðrar stöðu á byggingamarkaði, þá er ástæða fyrir viðskiptabankana að huga að því að „safna eigin fé“ og vera tilbúna til að takast á við möguleg áföll, að sögn seðlabankastjóra. Arðgreiðslur og kaup bankanna á eigin bréfum hafa verið með mesta móti að undanförnu og nema samtals yfir hundrað milljörðum frá áramótum.
Uppgjör milli hluthafa Hraunlóns skýrir stóra sölu í Síldarvinnslunni
Rúmlega fjögur hundruð milljóna króna sala eignarfélags í eigu núverandi og fyrrverandi lykilstjórnenda Síldarvinnslunnar, meðal annars forstjórans, kemur meðal annars til vegna uppgjörs milli hluthafanna. Hlutabréfaverð Síldarvinnslunnar lækkaði nokkuð við opnun markaða í morgun.
Auknar vaxtatekjur sagðar „skammtíma hvalreki“ sem gangi til baka á næsta ári
Útlit er fyrir að hagnaður Íslandsbanka verði talsvert meiri á seinni hluta ársins en þeim fyrri, samkvæmt nýrri greiningu, meðal annars samhliða stærri efnahagsreikningi og jákvæðum áhrifum hagræðingaraðgerða. Vaxtatekjur hafa drifið afkomuna áfram en greinendur telja að hluti tekjuaukningarinnar sé skammtímaávinningur af mikilli verðbólgu sem gangi til baka þegar líður á næsta ár.
Kólnandi hagkerfi og háir vextir gætu reynt á viðnámsþrótt fjármálakerfisins
Óróleiki í alþjóðlegu efnahagslífi og hátt vaxtastig hér á landi samhliða minnkandi efnahagsumsvifum gæti „reynt á viðnámsþrótt“ fjármálakerfisins, að mati fjármálastöðugleikanefndar Seðlabankans. Hún beinir sem fyrr einnig sjónum sínum að stöðunni á húsnæðismarkaði, sem einkennist af raunverðslækkunum og lengri sölutíma eigna, og segir þá þróun geta reynt á fyrirtæki í byggingariðnaði og aukið vanskil.
Hvenær má stjórnmálamaður miðla innherjaupplýsingum?
Starfa sinna vegna búa stjórnmálamenn stundum yfir viðkvæmum upplýsingum sem geta snert skráð félög. Til dæmis upplýsingum um áformaðar skattahækkanir, svo nærtækt dæmi sé tekið í íslensku samhengi.
Aukinn launakostnaður gæti kallað á enn frekara aðhald Seðlabankans
Þrátt fyrir vaxandi merki um kólnun í hagkerfinu, meðal annars á fasteignamarkaði, er útlit fyrir þráláta verðbólgu á komandi mánuðum og er þróunin á vinnumarkaði sögð geta ráðið miklu um hvort peningastefnunefnd Seðlabankans sjái ástæðu til frekara aðhalds. Spár flestra greinenda gera ráð fyrir að tólf mánaða verðbólgan hækki í nærri sex prósent í lok þessa mánaðar.
Innviðasjóður setur sig í stellingar fyrir sölu á stórum hlut í HS Veitum
Innlendur framtakssjóður sem fjárfestir í innviðatengdum verkefnum, ásamt tveimur einkafjárfestum, hefur fengið til liðs við sig ráðgjafafyrirtæki vegna áforma um að selja umtalsverðan eignarhlut í HS Veitum. Lífeyrissjóðir eru taldir líklegir til að vilja halda hlut sínum í fyrirtækinu.
Meta Blikastaðalandið á 23 milljarða en óvíst hvort „ásættanlegt“ verð fáist
Verðmæti Blikastaðalandsins, sem er í eigu dótturfélags Arion, er metið á um 23 milljarða króna í nýju verðmati á bankanum. Landið var nýlega sett í söluferli en greinendur telja óvíst hvort ásættanlegt verð fáist fyrir það við núverandi markaðsaðstæður.
Íhlutun SKE sögð „varpa skugga“ á vaxtaráform Ása
Óvissa um möguleg inngrip Samkeppniseftirlitsins vegna kaupa Ása á Öryggismiðstöð Íslands og Opnum kerfum varpar skugga á sókn félagsins, að mati greinenda IFS, sem segja íhlutun eftirlitsins koma á óvart. Verðmat á félaginu helst óbreytt og er það talið talsvert undirverðlagt á markaði.
Áhersla ESB á miðstýringu er „viðvarandi áskorun“ fyrir EES-samninginn
Aukin miðstýring innan Evrópusambandsins, sem meðal annars er ætlað að efla samkeppnishæfni álfunnar, gæti skapað hættu á „viðvarandi áskorunum“ fyrir EES-samninginn og stöðu Íslands í alþjóðakerfinu, að mati varaseðlabankastjóra fjármálastöðugleika. Hann segir breytta heimsmynd kalla á að Ísland leiti sér alþjóðlegs skjóls en styrki um leið eigin viðnámsþrótt.
Alvotech rauk upp í milljarðaviðskiptum vísitölusjóða eftir lokun markaða
Miklar sveiflur urðu á gengi fyrirtækja í Kauphöllinni í gær í margra milljarða króna viðskiptum í uppboði eftir lokun markaða þegar erlendir sjóðir voru að endurstilla stöður sínar í samræmi við breytingar á vigt félaga í vísitölum FTSE. Stærstur hluti fjármagnsins streymdi inn í Alvotech og hlutabréfaverð félagsins rauk því upp.
Seðlabankar styðjast við fleiri mælikvarða en skilaboðin verða óskýrari
Seðlabankar víða um heim hafa í auknum mæli horfið frá því að horfa til eins tiltekins mælikvarða á undirliggjandi verðbólgu og styðjast þess í stað við safn ólíkra mælikvarða. Þótt það kunni að gefa betri mynd af verðbólguþrýstingi í hagkerfinu er hætta á því, samkvæmt nýrri greiningu, að skilaboðin verði óskýr og almenningur eigi erfiðara með að átta sig á hvaða mælikvarðar ráða mestu við vaxtaákvarðanir.
Heimilin halda að sér höndum og kortaveltan skreppur saman milli ára
Heimilin virðist vera farin að halda að sér höndum í neyslu en kortavelta Íslendinga, miðað við fast gengi og verðlag, dróst talsvert saman í liðnum mánuði. Verðbóguvæntingar á skuldabréfamarkaði lækkuðu eilítið í fyrstu viðskiptum í morgun.
Skil ársreikninga til Sjúkratrygginga Íslands: Auknar kröfur til sérgreinalækna
Frá og með 1. janúar 2028 verður samningsaðilum Sjúkratrygginga Íslands þar á meðal sjálfstætt starfandi sérgreinalæknum, almennt skylt að afhenda stofnuninni ársreikninga sína, óháð því í hvaða félagaformi starfsemin er rekin. Umrædd breyting felur í sér auknar skyldur fyrir þá samningsaðila sem hingað til hafa ekki verið skyldugir til að gera ársreikning.
Alvotech nálgast sitt hæsta gildi á árinu þegar verðmatsgengið var tvöfaldað
Það hefur orðið umtalsverður viðsnúningur í mati greinenda Barclays á Alvotech sem hafa tvöfaldað verðmat sitt á líftæknilyfjafélaginu og ráðleggja fjárfestum núna að vera yfirvigtaðir. Hlutabréfaverð Alvotech hefur rokið upp en greinendur segja að verulega hafi dregið úr áhættu í rekstrinum eftir að FDA lauk útttekt sinni á verksmiðjunni í Reykjavík.
Hækkun bankaskatts þurrkar út nærri tíu milljarða af verðmati Arion
Fyrirhuguð hækkun sérstaks skatts á fjármálafyrirtæki lækkar verðmat Arion um nærri tíu milljarða króna, samkvæmt nýrri greiningu, en bankinn er eftir sem áður sagður á verulegum „afslætti“ miðað við verðlagningu norrænna banka á markaði. Með dekkri horfum í efnahagslífinu er útlit fyrir talsvert meiri virðisrýrnun af lánasafni Arion og það verði um fimm milljarðar á komandi ári.
