Fréttir

Við­varanir fyrir vestan í allan dag

Gular viðvaranir eru í gildi á Vestfjörðum, Ströndum og Norðurlandi vestra vegna storms og mikillar rigningar. Viðvaranirnar verða í gildi í allan dag og fram á kvöld.

Veður

Frægt fólk meðal hand­tekinna í New York

Yfir eitt hundrað voru handteknir á fjölmennum mótmælum í New York í gær í tengslum við ræðu Benjamins Netanyahu forsætisráðherra Ísraels á allsherjarþingi Sameinuðu þjóðanna. Þekktir einstaklingar voru á meðal þeirra sem handteknir voru.

Erlent

María Sigurðar­dóttir er látin

María Sigurðardóttir, eða Mæja eins og hún var alltaf kölluð, er látin 69 ára að aldri. Hún lést á sjúkrahúsinu á Akranesi þann 11. ágúst eftir baráttu við krabbamein.

Innlent

„Höfum aldrei átt betra sam­band“

Donald Trump Bandaríkjaforseti bauð Xi Jinping, forseta Kína, til veglegrar kvöldverðarveislu í Hvíta húsinu í gær þar sem báðir leiðtogar lofuðu nýtt og betra samband ríkjanna. Á sama tíma söfnuðust mótmælendur saman fyrir utan hlið Hvíta hússins og voru nokkrir þeirra handteknir.

Erlent

Full­trúi Ís­lands yfir­gaf ekki salinn með hinum

Fulltrúi Íslands sat áfram á fundi allsherjarþings Sameinuðu þjóðanna þegar Benjamín Netanjahú, forsætisráðherra Ísraels, tók til máls. Fulltrúar fjölda ríkja gengu úr salnum á fimmtudag í mótmælaskyni en stríðsrekstur Ísraels á Gasa hefur verið harðlega gagnrýndur. Þorgerður Katrín Gunnarsdóttir utanríkisráðherra var ekki í salnum þegar atvikið átti sér stað. 

Innlent

Tugir full­trúa gengu út þegar Netanjahú tók til máls

Tugir fulltrúa ríkja á allsherjarþingi Sameinuðu þjóðanna gengu úr salnum þegar Benjamín Netanjahú forsætisráðherra Ísraels steig í ræðustól í New York í dag. Forsætisráðherrann lét sér fátt um finnast og kallaði fulltrúana siðferðislega hugleysingja.

Erlent

„Það er skil­greiningin á því að pissa í skóinn sinn“

Formaður VR telur þær aðgerðir sem ríkisstjórnin boðar í þeim tilgangi að ná hallaleysi verðbólguhvetjandi og segir það hina raunverulegu skilgreiningu á að pissa í skóinn sinn. Hún segir meiri líkur en minni á að samningum verði sagt upp fyrir þann 8. október.

Innlent

Sorpa skoðar að fara í mál við grenndargámasóða

Gunnar Dofri Ólafsson, sviðsstjóri þjónustu- og samskiptasviðs Sorpu, segir það til skoðunar að fara í mál við fólk sem skilur sorp eftir við grenndargáma sem ekki á að fleygja þar. Það varði við lög að skilja rusl eftir á víðavangi og hæsta sekt geti numið einni milljón króna.

Innlent

„Mis­tök að fela honum for­ystu“

Guðmundur Ingi Þóroddsson segir að það hafi verið mistök að fela nafna sínum, Guðmundi Inga Kristinssyni, forystu í mennta- og barnamálum. Hann telur rétt hafa verið að skipta um ráðherra en segir að það breyti því ekki að gagnrýna megi hvernig staðið var að brotthvarfi hans úr ríkisstjórn.

Innlent

„Ég hef mikið til verið hér á eigin spýtur“

Ekki verður tekið við nýjum sjúklingum inn á Sjúkrahúsið Vog um óákveðinn tíma vegna mönnunarvanda. Nýr framkvæmdastjóri lækninga er eini sérfræðilæknirinn að störfum og aðrir mæta ekki til vinnu. Biðlisti er eftir fíknimeðferð á Vogi og hinn umdeildi Þórarinn Tyrfingsson mættur aftur á spítalann.

Innlent

Upp­selt á opnunarmyndina í tveimur sölum

Alþjóðleg kvikmyndahátíð í Reykjavík hefst í kvöld, fimmtudaginn 24. september, með sýningu opnunarmyndarinnar The Last First: Winter K2 í Háskólabíói. Uppselt er í bæði sal 1 og sal 2, enda hefur myndin vakið gríðarlegan áhuga.

Innlent

Lög­reglu­em­bættum fækkað veru­lega

Lögregluembættum landsins verður fækkað úr níu í þrjú gangi tillögur dómsmálaráðherra eftir. Þannig verður eitt embætti á suðvesturhorninu, annað á norður- og vesturhluta landsins og þriðja á suður- og austurhluta landsins.

Innlent

Sex skriðuviðvaranir í gildi

Skriðuviðvaranir hafa nú verið gefnar út fyrir sex svæði vegna úrkomu. Þær ná til norðanverðra Vestfjarða, Stranda og vestanverðs Húnaflóa, sunnanverðra Austfjarða, Suðausturlands, Suðurlands og innsveita Suðurlands og miðhálendisins.

Innlent

„Þetta var rétt á­kvörðun“

„Það eru auðvitað tvær hliðar á öllum svona málum. Guðmundur Ingi tók sjálfur þá ákvörðun að segja af sér sem ráðherra. Hann tilkynnti þetta, hann sagði frá þessu sjálfur og komst að þeirri niðurstöðu með hliðsjón af heilsufari sínu. Auðvitað segir það sig sjálft að svona ákvarðanir eru ekki teknar í tómarúmi.“ 

Innlent

Orðin lýsi skeytingar­leysi ríkis­stjórnarinnar

Guðrún Hafsteinsdóttir, formaður Sjálfstæðisflokksins, segir orð Ingu Sæland, starfandi forsætisráðherra, sem sagði henni að „stíga í eigin skítapott“, lýsa skeytingarleysi ríkisstjórnarinnar. Viðbrögðin komu henni ekki á óvart.

Innlent

Litlar breytingar þrátt fyrir laga­breytinguna

Fjöldi kvenna sem fóru í þungunarrof jókst ekki þrátt fyrir lagabreytingu árið 2019 sem gerði þeim kleift að fara í þungurrof fram að lokum 22. viku meðgöngunnar. Áfram voru flest þungunarrofin framkvæmd fyrir lok tólftu viku.

Innlent

Pawel leggur frum­varp Gríms um netsölu á­fengis fram á ný

Einkareknum fyrirtækjum yrði heimilt að selja áfengi í vefverslun með leyfi sýslumanns samkvæmt frumvarpi sem Pawel Bartoszek, þingmaður Viðreisnar, hefur lagt fram á Alþingi. Hann tekur við málinu af Grími Grímssyni, þingmanni Viðreisnar, sem flutti frumvarp sama efnis á síðasta þingi og er nú meðflutningsmaður.

Innlent

Aftur stríð í Eþíópíu

Nýtt stríð virðist hafið í Eþíópíu þar sem leiðtogar Frelsisfylkingarinnar svokölluðu í Tigray-héraði og bandamenn þeirra ætla að velta ríkisstjórn landsins úr sessi. Leiðtogar Frelsisfylkingarinnar segjast vera að heyja varnarstríð gegn ríkisstjórninni og eru þeir sagðir hafa gert umfangsmikla sókn víðs vegar um norðurhluta landsins.

Erlent

Sau­tján voru hand­teknir í að­gerðum lög­reglu

Sautján manns voru handteknir í samhæfðum aðgerðum lögreglunnar á höfuðborgarsvæðinu þriðjudaginn 22. september. Þetta staðfesti lögreglan í samtali við fréttastofu. Sex þeirra voru úrskurðaðir í gæsluvarðhald á grundvelli rannsóknarhagsmuna og eru allir í einangrun. Ellefu manns voru handteknir til viðbótar við sexmenningana, allir sama dag. Lögregla gat ekki að svo stöddu sagt til um stöðu þeirra ellefu í málinu.

Innlent

Inga spurð út í Guð­mund Inga: „Þér væri nær að stíga inn í eigin skítapott“

Allt ætlaði um koll að keyra í þinginu þegar Inga Sæland var spurð út í aðdraganda þess að Guðmundur Ingi Kristinsson sagði af sér embætti mennta- og barnamálaráðherra. „Ég held að þér væri nær að stíga inn í eigin skítapott og reyna að hræra aðeins upp í honum í stað þess að koma hér fram með dylgjur og ósannindi,“ sagði Inga meðal annars við formann Sjálfstæðisflokksins.

Innlent

Mest lesið