Jákup Thomsen, framherji FH, var borinn af velli í leik liðsins gegn ÍBV í Pepsi Max-deild karla í dag.
Á 31. mínútu slapp Thomsen inn fyrir vörn Eyjamanna, Diogo Coelho braut á honum og Erlendur Eiríksson dæmdi vítaspyrnu.
Thomsen lá eftir og virtist illa þjáður. Á endanum var hann borinn af velli og Jónatan Ingi Jónsson kom inn á í hans stað.
Steven Lennon tók spyrnuna og skoraði af öryggi. Staðan í hálfleik er 0-1, FH í vil.
Fylgjast má með leiknum í beinni útsendingu á Stöð 2 Sport. Þá er leikurinn í beinni textalýsingu á Vísi.
Thomsen borinn af velli í Eyjum
Tengdar fréttir
Orðaður við FH og KR en byrjar æfingaleik hjá Start í dag
Kristján Flóki Finnbogason er í byrjunarliði Start í dag er liðið mætir Jerv í æfingaleik.
Í beinni: ÍBV - FH | Eru FH-ingar vaknaðir?
FH gerði góða ferð til Eyja og vann 1-2 sigur á botnliði ÍBV í Pepsi Max-deild karla í dag. Steven Lennon skoraði bæði mörk FH-inga sem hafa unnið tvo leiki í röð.
