Af Skaganum til Lyngby

Jón Sölvi er 19 ára gamall og gekk í raðir ÍA um mitt sumar er liðið fékk sérstaka undanþágu frá félagsskiptagluggareglum til að bæta honum við hópinn. Jón Sölvi kom frá Breiðabliki en hann hafði verið á láni frá Blikum hjá ÍA í fyrra.

Hann spilaði átta leiki fyrir Skagamenn en síðan hefur Árni Marinó Einarsson tekið við markvarðarstöðunni og staðið sig með prýði. Jón Sölvi verður á láni hjá Lyngby út árið og í kjölfarið tekin ákvörðun um kaup.

Hjá Lyngby hittir hann fyrir þá Ísak Snæ Þorvaldsson, Daníel Frey Kristjánsson og Davíð Helga Aronsson, sem kom á láni frá Víkingi fyrr í sumar.

Valdimar Valdimarsson er markmannsþjálfari í akademíu Lyngby en hann starfaði áður hjá Breiðabliki sem er uppeldisfélag Jóns Sölva.