Andri Lucas sjóðandi heitur og skorar í hvaða treyju sem er

Meiðsli sáu til þess að Andri missti úr stóran hluta síðasta tímabils en hann kom þó við sögu í 25 leikjum með Blackburn og skoraði sjö mörk og var farinn að gera frábæra hluti er hann meiðist í fyrra skiptið. 

Nú þegar að meiðslin eru að baki virðist Andri Lucas hafa verið einbeittur á að mæta af krafti til leiks með Blackburn á yfirstandandi tímabili og það hefur hann svo sannarlega gert. 

Íslendingurinn knái hefur skorað þrjú mörk í þremur leikjum á tímabilinu og vekur Blackburn athygli á því í færslu á samfélagsmiðlum að Andri virðist kunna vel við allar treyjur liðsins því mörkin þrjú hefur hann skorað í þremur mismunandi treyjum. 

Blackburn hefur farið vel af stað í ensku B-deildinni og vermir sjötta sætið með fjögur stig af sex mögulegum eftir fyrstu tvo leiki sína og mætir QPR í næstu umferð.