Ein hópuppsögn í júní

Fimmtán starfsmönnum á sviði fiskeldis var sagt upp störfum samkvæmt tilkynningu frá Vinnumálastofnun. 

Þegar talað er um hópuppsögn er átt við uppsagnir yfir þrjátíu daga tímabil þar sem fjöldi starfsmanna sem sagt er upp er að minnsta kosti tíu í fyrirtækjum þar sem 21-99 starfa, minnst tíu prósent í fyrirtækjum með 100 til 299 í vinnu eða minnst þrjátíu starfsmenn þar sem þrjú hundruð eða fleiri starfa.

Sem dæmi má nefna að Reykjavíkurborg tilkynnti svokallaða hópuppsögn í júnímánuði en þar sem tuttugu starfsmönnum var sagt upp og fleiri en þrjú hundruð starfa hjá borginni getur sú uppsögn ekki talist sem hópuppsögn.

Atvinnuleysi á landinu mældist 5,6 prósent í maí þar sem fjöldi atvinnulausra á aldrinum 16 til 74 ára var 13.100.