Fyrrum marka­kóngur Seríu A lést 58 ára gamall

Protti hafði barist við krabbamein um nokkurt skeið. Fyrrverandi félag hans, Bari, sem hann lék með þegar hann varð markakóngur Serie A tímabilið 1995/96, minnist hans.

„Þú háðir erfiðasta leikinn með hugrekki hinna stóru. Þótt lokaflautið í dag geri alla harmi slegna, munt þú ávallt lifa í minningu þeirra sem studdu þig,“ skrifar félagið sem nú leikur í Seríu B.

Tímabilið 1995/96 skoraði hann 24 mörk þrátt fyrir að Bari félli úr deildinni. Hann deildi markakóngstitlinum með Lazio-stjörnunni Giuseppe Signori.

Protti er einn tveggja leikmanna sem hafa orðið markakóngar í bæði Serie A, Serie B og Serie C. Hinn er Dario Hübner.

Protti var markakóngur í Seríu A 1996, í Serbíu B 2003 og í Serbíu C 2001 og 2002.