Dag­skráin í dag: Stór­leikur Víkings og KR í Bestu deildinni

Aðeins þremur stigum munar á Reykjavíkurliðunum, mikil spenna er fyrir leiknum og seldist upp á hann á örskotsstundu. Flautað verður til leiks á Víkingsvelli klukkan korter yfir sjö og er leikurinn sýndur í beinni útsendingu á Sýn Sport Ísland 2. Upphitun fyrir leik hefst hálftíma fyrr, korter í sjö.

Á sama tíma, í beinni útsendingu á Sýn Sport Ísland 3 tekur Stjarnan á móti Breiðabliki. Mikið hefur gengið á hjá Garðbæingum síðastliðna daga. Jökull Elísabetarson var rekinn úr starfi þjálfara liðsins og í hans stað í brúnna er kominn Jón Þór Hauksson sem stýrir sínum fyrsta leik sem þjálfari Stjörnunnar í kvöld.

Þá er áhugaverður leikur á dagskrá Sýn Sport Ísland 4. ÍA tekur á móti Val.

Hægt verður að fylgjast með öllum leikjum samtímis í Subway messunni á Sýn Sport Ísland sem hefst klukkan tíu mínútur yfir sjö. Gummi Ben og hans sérfræðingar rýna í helstu atvik og mörk í beinni útsendingu um leið og þau eiga sér stað.

Þá tekur Stúkan við að Subway messunni lokinni.