Endur­fundir Messi og Guð­john­sen

Ísland og Argentína mættust í nótt í æfingalandsleik þar sem Argentína er að undirbúa sig fyrir HM í fótbolta sem hefst á morgun. Messi kom inn á völlinn á 70. mínútu og ekki leið á löngu þangað til hann var búinn að skora úr víti.

Daníel Tristan Guðjohnsen kom inn á undir lok leiks en náði ekki að setja svip sinn á leikinn.

Eftir leik fer Daníel Tristan að spjalla við Lionel Messi og segir honum frá því að pabbi Daníels Tristans og Messi hafi verið liðsfélagar. Eiður Smári Guðjohnsen var leikmaður Barcelona á árunum 2006-2009 og Messi var þá í liði Barcelona.

Messi var vægast sagt hissa eftir að hafa komist að þessu enda merki um að eldast þegar þú ert byrjaður að spila á móti sonum gamalla liðsfélaga.

Saman unnu Messi og Eiður Smári allt sem þeir gátu hjá Barcelona, meðal annars þrennuna á síðasta tímabili Eiðs hjá félaginu. Messi og Eiður Smári voru miklir félagar hjá Barcelona og héldu ennþá sambandi eftir að Eiður Smári fór frá Spáni.