George Russell og Lando Norris úr leik í Kanada

George Russell og Kimi Antonelli, liðsfélagar í Mercedes, eru búnir að berjast með kjafti og klóm í kanadíska kappakstrinum um helgina. Þeir voru búnir að taka forystu keppninnar til skiptis þegar bíll Russell bilaði eftir aðeins 30 hringi og þarf hann að hætta keppni.

George Russell var gríðarlega svekktur eftir að hafa stigið úr bílnum sínum, enda er hann að missa dýrmæt stig. Hann er sem stendur í öðru sæti heimsmeistaramóts ökumanna, átján stigum á eftir Antonelli í fyrsta sæti. En með Russell úr leik og Antonelli með gott forskot í fyrsta sætinu má búast við að eftir keppni verði bilið orðið 43 stig.

Aðeins tíu hringjum síðar bilaði bíll ríkjandi heimsmeistara Lando Norris og er það dýrt fyrir kappan. Norris er sem stendur í fjórða sæti heimsmeistaramótsins og er aðeins með einn verðlaunapall það sem af er tímabils.