Fann­ey skoraði sjálfs­mark en Häcken enn með fullt hús stiga

Fanney Inga Birkisdóttir stóð á milli stanganna hjá Häcken. Á 26. mínútu varð hún fyrir því óláni að skora sjálfsmark þegar hún missti boltann inn.

Níu mínútum síðar jafnaði Felicia Schröder fyrir Häcken og staðan var 1-1 í hálfleik. Á 71. mínútu skoraði Tabby Tindell sigurmark gestanna sem unnu 1-2 sigur.

Thelma Karen Pálmadóttir lék síðustu sjö mínúturnar fyrir Häcken sem hefur unnið fyrstu fjóra leiki sína og er á toppi sænsku deildarinnar með tólf stig, tveimur stigum á undan Malmö, Kristianstad og Piteå.

Í byrjun þessa mánaðar varð Häcken Evrópubikarmeistari eftir 4-2 samanlagðan sigur á Hammarby.

Næsti leikur Häcken er einmitt gegn Hammarby í sænsku bikarkeppninni á laugardaginn kemur.