Stjarnan einum sigri frá því að halda sér uppi

Stjarnan vann fyrsta leik einvígisins á heimavelli af öryggi og er því 2-0 yfir en vinna þarf þrjá leiki til að vinna einvígið.

Stjörnumenn enduðu í næstneðsta sæti Olís-deildarinnar og fóru því í umspil með þremur liðum úr Grill 66-deildinni. Þar slógu þeir Fjölni út, eftir tap í fyrsta leik, á meðan að Hörður vann Gróttu 2-0.

Fyrir umspilið lét Stjarnan þjálfarann Hrannar Guðmundsson fara og tóku þeir Tandri Már Konráðsson og Sverrir Eyjólfsson þá við liðinu út tímabilið. Þeim virðist nú ætla að takast að halda Stjörnunni í hópi þeirra bestu.

Stjarnan hafði yfirhöndina nær allan leikinn í kvöld og var 13-9 yfir í hálfleik. Heimamenn voru aldrei langt undan og minnkuðu muninn í tvö mörk þegar enn voru rúmar þrjár mínútur eftir, en komust ekki nær.

Ísak Logi Einarsson var langmarkahæstur hjá Stjörnunni með 11 mörk en Jose Esteves Lopes Neto skoraði sex mörk fyrir Hörð.

Þriðji leikur liðanna, og möulega sá síðasti, verður í Garðabæ á miðvikudagskvöld klukkan 18:30.