Titil­vörnin hefst mjög vel hjá McIlroy en DeChambeau í basli

McIlroy og Burns hafa báðir lokið sínum hringjum á 67 höggum, 5 höggum undir pari vallarins. Nokkur fjöldi kylfinga á þó eftir að klára sinn hring og forystan gæti því breyst.

Efsti kylfingur heimslistans, Scottie Scheffler, er líklegur til að ná þeim en hann var 3 höggum undir pari eftir að hafa leikið fyrstu 9 holurnar.

McIlroy er ríkjandi meistarinn og margir spá því að hann verði sá fyrsti síðan Tiger Woods árið 2002 til að verja titilinn. 

Norður-Írinn byrjar allavega betur en í fyrra og náði forystunni í dag með fugli á 13. holu en það var einn af sex fuglum dagsins.

Margir bjuggust líka við miklu frá Bandaríkjamanninum og golffrömuðinum Bryson DeChambeau en hann olli vonbrigðum í dag. 

DeChambeau lauk hringnum á 76 höggum, 4 höggum yfir pari vallarins og myndi ekki ná niðurskurði eins og er.

Versta holan hjá DeChambeau í dag var vafalaust 11. holan en þar þurfti hann þrjú högg til að koma sér upp úr sandgryfju.