Fór holu í höggi á fjölskyldumótinu

Fleetwood átti fallegt högg á fjórðu braut vallarins, sem er sú stysta. Boltinn lak rólega ofan í holuna og mikil fagnaðarlæti brutust út. Enda er þetta afar sjaldgæf sjón jafnvel á hæsta getustigi golfsins.

Fleetwood fjölskyldan féllst í faðma, móðirin og dóttirin eru í hlutverki kylfusveina en faðirinn og sonurinn eru að spila á mótinu.

„Frankie Fleetwood reynir við flötina hérna á eftir… Faðir hans er með eina fallegustu og hreinustu sveifluna á túrnum. Stórkostlegt högg. Maður gæfi ýmislegt fyrir að geta slegið svona,“ sagði Ríkharð Óskar Guðnason, lýsandi í sjónvarpsútsendingu Sýnar.

Atvikið má sjá í spilaranum hér fyrir neðan.

Mastersmótið verður í beinni útsendingu á Sýn Sport. Í dag er sýnt beint frá Par 3-keppninni á SÝN Sport 2 en áður var sýndur upphitunarþáttur fyrir mótið sem er nú orðinn aðgengilegur í streymi. Fyrsti keppnisdagur er síðan á morgun og hefst útsending klukkan 17.00 á SÝN Sport.