Kristian gerði sínu gamla fé­lagi grikk

Kristian, sem hefur verið með bestu leikmönnum Twente á tímabilinu, var á sínum stað á miðjunni hjá liðinu gegn sínu gamla félagi og spilaði nær allan leikinn í kvöld. 

Twente komst yfir í leiknum með marki frá Ramiz Zerrouke á 18.míunútu en Wout Weghorst jafnaði metin fyrir Ajax á 32.mínútu. 

Þegar rétt rúmar tíu mínútur eftir lifðu leiks kom Bart van Rooij, Twente aftur yfir með öðru marki liðsins sem reyndist sigurmark leiksins. 2-1. 

Afar mikilvægur sigur fyrir Twente í Evrópubaráttu hollensku deildarinnar. Með sigrinum lyftir liðið sér upp fyrir Ajax í fjórða sætið og er þar með 50 stig eftir 29 leiki, tveimur stigum meira en Ajax í fimmta sætinu.