Handbolti

Díana Dögg inn­siglaði deildarmeistaratitil í toppslag

Aron Guðmundsson skrifar
Díana Dögg í leik með Blomberg Lippe
Díana Dögg í leik með Blomberg Lippe hsg-blomberg-lippe.de

Íslendingalið Blomberg-Lippe endar deildarkeppni þýsku úrvalsdeildarinnar í handbolta á toppnum eftir tveggja marka sigur, 33-31, gegn Borussia Dortmund í toppslag deildarinnar þar sem toppsætið var undir. Nú tekur við úrslitakeppni deildarinnar.

Það var allt lagt undir hjá Blomberg-Lippe í dag til þess að reyna tryggja toppsætið með sigri á heimavelli. Liðið þurfti sigur til þess hrifsa toppsæti deildarinnar af Borussia Dortmund. 

Stemningin á heimavelli Blomberg-Lippe, Sporthalle Ulmenallee, var frábær í dag og Díana Dögg fór fyrir Íslendingunum í liðinu og innsiglaði 33-31 sigur Lippe með lokamarki leiksins. Alls skoraði hún sex mörk í leik dagsins, Elín Rósa Magnúsdóttir skoraði eitt mark og lagði upp þrjú og Andrea Jacobsen lagði einnig upp þrjú mörk. 

Auk Blomberg Lippe hafa Dortmund, Flames og Thuringer HC tryggt sæti sitt í úrslitakeppni þýsku deildarinnar en liðin í fimmta til ellefta sæti fara nú í umspil um sæti í úrslitakeppninni. 

Þýski handboltinn

Mest lesið


Fleiri fréttir

Sjá meira


×

Mest lesið