Heiða Ragney skoraði í fyrsta leik

Eskilstuna United vann 2-1 sigur á Vittsjö í fyrstu umferðinni í dag.

Sigurmarkið kom þó ekki fyrr en á síðustu stundu því Rylie Rae Combs skoraði það á fimmtu mínútu í uppbótartíma.

Heiða Ragney kom til Eskilstuna fyrir tímabilið frá Íslandsmeisturum Breiðabliks. Það er óhætt að segja að hún hafi byrjað vel.

Auk þess að fá sigur í hús þá skoraði Heiða Ragney fyrra mark Eskilstuna á 14. mínútu. Vittsjö jafnaði þrettán mínútum síðar með marki Olivia Wänglund.

Heiða var gríðarlega mikilvæg á miðju Íslands- og bikarmeistara Breiðabliks síðasta sumar og það er gaman að sjá hana byrja vel með nýju félagi.