Sjáðu mörkin þegar Viktor, Daníel og strákarnir af­greiddu Eista

Viktor Bjarki sló í gegn með danska félaginu FC Kaupmannahöfn í Meistaradeildinni í vetur og Daníel Tristan spilar með stórliði Malmö í Svíþjóð. Þeir eru vonarstjörnur íslenska fótboltans og þeir sýndu af hverju í kvöld.

Báðir skoruðu þeir í báðum hálfleikjum leiksins.

Daníel Tristan kom Íslandi í 1-0 strax á 2. mínútu og Viktor Bjarki kom íslenska liðinu aftur yfir rétt fyrir hálfleik.

Viktor Bjarki skoraði þriðja markið íslenska liðsins á 50. mínútu og Daníel Tristan skoraði annað mark sitt sex mínútum síðar.

Hilmir Rafn Mikaelsson kom inn á fyrir Daníel og var ekki lengi að komast á blað og koma Íslandi í 5-1 á 73. mínútu.

Annar varamaður, Helgi Fróði Ingason, skoraði sjötta markið á 79. mínútu.

Eistarnir minnkuðu muninn þannig að í lokin munaði fjórum mörkum á liðunum.

Hér fyrir neðan má sjá öll mörk íslenska liðsins í leiknum.