Fótbolti

Skellti á Zlatan og hélt ein­hver væri að gera símaat

Ingvi Þór Sæmundsson skrifar
Helena Seger og Zlatan Ibrahimovic hafa verið saman síðan 2002. Þau eiga tvo syni, Maximilian og Vincent.
Helena Seger og Zlatan Ibrahimovic hafa verið saman síðan 2002. Þau eiga tvo syni, Maximilian og Vincent. getty/Claudio Villa

Bosse Andersson, sem brátt lætur af störfum sem íþróttastjóri Djurgården, er með marga þekkta einstaklinga í símaskránni sinni. Meðal þeirra er Zlatan Ibrahimovic. Andersson ætlaði ekki að trúa því þegar Zlatan hafði samband við hann fyrir nokkrum árum.

Í síðustu viku tilkynnti Andersson að hann myndi hætta sem íþróttastjóri Djurgården. Hann hefur gegnt því starfi frá 2013 en gerði það einnig á árunum 1999-2008.

Andersson er vel tengdur í fótboltabransanum og þekkir marga. En hann keypti það ekki þegar Zlatan hringdi í hann og taldi að um símaat væri að ræða.

„Hann hringdi í mig og ég hélt að þetta væri símaat. Ég hélt að hann myndi ekki hringja í mig. En þetta var ekkert prakkarastrik. Hann vildi virkilega ná í mig,“ sagði Andersson sem skellti á Zlatan þegar hann hringdi fyrst.

Að hans sögn þurfti eiginkona Zlatans, Helena Seger, að senda Andersson skilaboð til að sannfæra hann um að Zlatan væri að reyna að komast í samband við hann.

Zlatan lagði skóna á hilluna fyrir þremur árum. Síðan þá hefur hann verið sínu gamla félagi, AC Milan, innan handar.

Sænski boltinn

Mest lesið


Fleiri fréttir

Sjá meira


×

Mest lesið