Handbolti

Stjarnan lætur Hrannar fara fyrir umspilið

Óskar Ófeigur Jónsson skrifar
Hrannar Guðmundsson er hættur sem þjálfari Garðabæjarliðsins.
Hrannar Guðmundsson er hættur sem þjálfari Garðabæjarliðsins. Vísir/Anton Brink

Karlalið Stjörnunnar gerði þjálfarabreytingu fyrir umspilið um sæti í Olís-deild karla í handbolta á næstu leiktíð.

Stjarnan tapaði tólf síðustu leikjum sínum í deildinni og hrundi niður töfluna.

Stjarnan endaði að lokum í næstsíðasta sæti í Olís-deild karla og fór því í fjögurra liða umspil með þremur liðum úr Grill 66-deildinni.

Hrannar Guðmundsson er hættur sem þjálfari liðsins en í staðinn munu Tandri Már Konráðsson og Sverrir Eyjólfsson taka við stjórn liðsins og leiða það út tímabilið í þeim leikjum sem eftir eru.

Stjarnan mætir Fjölni í undanúrslitum umspilsins og fyrsti leikurinn er heimaleikur á föstudagskvöldið.

Olís-deild karla Stjarnan

Mest lesið


Fleiri fréttir

Sjá meira


×

Mest lesið