Deildarmeistarar Vals unnu nauman sigur fyrir norðan

Valur vann 31-30 sigur á KA/Þór fyrir norðan þar sem Arna Karitas Eiríksdóttir skoraði sigurmarkið í æsispennandi leik.

Auður Ester Gestsdóttir skoraði átta mörk fyrir deildarmeistara Vals, Lovísa Thompson skoraði sex mörk og gaf sjö stoðsendingar og þær Arna Karitas og Elísa Elíasdóttir voru báðar með fimm mörk.

Susanne Denise Pettersen skoraði sjö mörk fyrir heimakonurnar í Þór/KA og Bergrós Ásta Guðmundsdóttir var með sex mörk.

Rakel Oddný Guðmundsdóttir skoraði átta mörk fyrir Hauka í 30-22 útisigri á Selfossi. Jóhanna Margrét Sigurðardóttir var með sex mörk og Inga Dís Jóhannsdóttir skoraði fimm. Hulda Dís Þrastardóttir var markahæst hjá Selfossi með sex mörk.

Birna Dís Sigurðardóttir skoraði átta mörk þegar Eyjakonur unnu flottan átta marka sigur á ÍR í Eyjum, 33-25. Sandra Erlingsdóttir var með sex mörk og fimm stoðsendingar og þær Ásdís Halla Hjarðar, Alexandra Ósk Viktorsdóttir og Ásta Björt Júlíusdóttir skoruðu öll þrjú mörk.

Sara Dögg Hjaltadóttir, markahæsti leikmaður deildarinnar, skoraði þrettán mörk fyrir ÍR en það dugði ekki til. Dagbjört Ýr Ólafsdóttir kom henni næst með fjögur mörk.

Valskonur eru efstar með fjögurra stiga forskot á ÍBV þegar aðeins ein umferð er eftir. Haukar eru öruggar með þriðja sætið eftir úrslit kvöldsins þar sem liðið náði þriggja stiga forystu á ÍR.

Stjarnan náði Selfoss að stigum með því að gera jafntefli við Fram. Fallbaráttan ræðst því í lokaumferðinni.