Gengst við kókaín­n­eyslu rétt fyrir kosningar

Alex Vanopslagh var aðeins 27 ára þegar hann tók við formennsku í Frjálslynda bandalaginu árið 2019. Hann neitaði að svara spurningu um fíkniefnaneyslu sem var lögð fyrir alla flokksleiðtoga á dögunum.

Vanopslagh viðurkenndi svo í Facebook-færslu í gær að hann hefði fengið sér kókaín á fyrstu árunum eftir að hann varð leiðtogi flokksins.

„Það gerðist í eitt eða tvö skipti í mesta lagi í skemmtanaumhverfi, og auðvitað aldrei þegar ég var í vinnunni,“ skrifaði Vanopslagh.

Hann hefði ekki snert við vímugjöfum, hvorki áfengi né nokkru sterkara, frá því hann lenti í veikindum vegna streitu.

Rifjað hefur verið upp nú að Vanopslagh talaði fyrir lögleiðingu kókaíns árið 2023, jafnvel að það yrði selt í apótekum, að því er kemur fram í umfjöllun dagblaðsins Politico.