„Þetta er súrrealísk til­finning“

„Það er bara súrrealískt að standa hérna og finna það sinka inn að við séum orðnir bikarmeistarar. Í byrjun janúar í upphafi þessa árs þá er ég á leiðinni í aðgerð þar sem læknarnir héldu að ég yrði frá út tímabiliið. 

Sem betur fer þá var Örnólfur læknir með góðar fréttir þegar ég vaknaði úr svæfingunni og þegar hann sagði mér að það hafi ekki þurft að bora í brjóskið og þetta hafi bara verið einhver hreinsun þá gaf hann mér von um að gæti spilað í bikarvikunni. Það tókst sem betur fer og hér stend ég ofboðslega stotur og sáttur af liðinu mínu sem er bikarmeistari,“ sagði Darri hrærður. 

„Mig langar að nota tækifærið og þakka Örnólfi og læknateyminu og Ella sjúkraþjálfara fyrir fagmannleg störf sem urðu til þess að ég get tekið þátt í þessari stóru stund í sögu félagsins,“ sagði hann hreykinn og sáttur. 

„Við lögðum gríðarlega vinnu í öll smáatriði í undirbúningi fyrir þennan leik og Gunni á hrós skilið fyrir hvernig við lögðum þennan leik upp. Varnarleikurinn var til fyrirmyndar og samvinna varnarinnar við Grétar Ara var upp á tíu. 

Þetta var frábært frammistaða og ég er í skýjunum  með að hafa landað þessum titli eftir þá vinnu sem ég og liðið höfum lagt á okkur til þess að þetta yrði að veruleika,“ sagði Darri sem átti frábæran leik í hjarta varnarinnar hjá Haukaliðinu.