Handbolti

Viktor Gísli vann fjórða titilinn með Barcelona

Ágúst Orri Arnarson skrifar
Landsliðsmarkmaðurinn varði vel í úrslitaleiknum. 
Landsliðsmarkmaðurinn varði vel í úrslitaleiknum.  VÍSIR/VILHELM

Viktor Gísli Hallgrímsson varð í dag spænskur bikarmeistari með liði Barcelona og varði virkilega vel í úrslitaleiknum. Þetta er fjórði stóri titillinn sem hann vinnur á sínu fyrsta tímabili með félaginu.

Barcelona lagði Atlético Valladolid að velli með átta marka mun, 32-24, í úrslitaleiknum. Viktor Gísli varði þar eins og óður maður, alls sautján skot, eða 41 prósent allra skota sem hann fékk á sig.

Portúgalski línumaðurinn Luis Frade var markahæstur með átta mörk, líkt og í undanúrslitaleiknum sem Barcelona vann 37-31 gegn Biasao í gær.

Þetta voru fjórðu gullverðlaunin sem Barcelona vinnur á þessu tímabili en liðið hafði nú þegar fagnað sigri í meistarakeppni Spánar, Katalóníubikarnum og á HM félagsliða.

Auk þess er Barcelona í efsta sæti spænsku úrvalsdeildarinnar og í 2. sæti síns riðils í Meistaradeildinni á eftir Magdeburg.

Spænski handboltinn

Mest lesið


Fleiri fréttir

Sjá meira


×

Mest lesið