Frost og hægur vindur

Þá geti orðið skýjað með köflum um landið austanvert og einhver smáél á stangli, en bjartara yfir vestanlands. Á Vestfjörðum megi þó búast við éljagangi fram undir kvöld, og nú í morgunsárið sjáist éljabakkar á sveimi við suðvesturströndina. Frost 0 til 12 stig, kaldast inn til landsins.

Samkvæmt hugleiðingum verður áfram svöl norðaustanátt á morgun og það bætir smám saman í vind. Dálítil él norðan- og austantil, en yfirleitt léttskýjað um landið suðvestanvert.

Á mánudag er svo útlit fyrir ákveðna norðanátt með éljagangi um landið norðanvert. Nánar um veðurspá á vef Veðurstofunnar. 

Veðurhorfur á landinu næstu daga

Á sunnudag:

Norðaustan og austan 5-13 m/s, en 13-18 við suðausturströndina. Víða dálítil él, en bjart að mestu um landið suðvestanvert. Frost 0 til 12 stig, kaldast inn til landsins. Bætir heldur í vind um kvöldið.

Á mánudag:

Norðan 8-15, en 15-23 á Suðausturlandi og Austfjörðum. Víða él, en yfirleitt þurrt sunnanlands. Frost 0 til 8 stig.

Á þriðjudag:

Minnkandi norðan- og norðvestanátt og bjart með köflum, en snjókoma austanlands fram eftir degi. Herðir á frosti.

Á miðvikudag:

Norðaustlæg eða breytileg átt og bjart með köflum, en dálítil él suðaustantil. Kalt í veðri.

Á fimmtudag:

Norðaustan- og austanátt og hlýnar með snjókomu eða slyddu, en úrkomulítið á Suðvestur- og Vesturlandi.

Á föstudag:

Norðlæg átt og él, en þurrt að mestu sunnan heiða.