Sport

Rekinn af HM eftir að hafa fallið á lyfja­prófi

Ingvi Þór Sæmundsson skrifar
Gamanið var stutt hjá Dom Taylor á HM í pílukasti.
Gamanið var stutt hjá Dom Taylor á HM í pílukasti. getty/Andrew Redington

Englendingnum Dom Taylor hefur verið vísað úr keppni á heimsmeistaramótinu í pílukasti. Hann féll á lyfjaprófi í annað sinn á innan við ári.

Taylor tryggði sér sæti í 2. umferð HM með 3-0 sigri á Oskar Lukasiak frá Svíþjóð á sunnudaginn. 

Í 2. umferðinni átti Taylor að mæta Walesverjanum Jonny Clayton. Ekkert verður af þeirri viðureign og Clayton fær því sæti í 3. umferðinni.

Í gær var greint frá því að Taylor hefði fallið á lyfjaprófi sem var tekið á sunnudaginn. Ekki liggur fyrir hvaða efni greindist í sýni Taylors.

Englendingurinn var dæmdur í eins mánaðar bann í nóvember í fyrra eftir að hann féll á lyfjaprófi og missti fyrir vikið af HM 2025. Taylor slapp við þyngri refsingu, jafnvel tveggja ára bann, þar sem lyfið sem hann neytti var ekki árangursaukandi.

Pílukast

Mest lesið


Fleiri fréttir

Sjá meira


×

Mest lesið