Snævar sló tugi meta á árinu: „Á­nægður og stoltur af sjálfum mér“

Kúlu­varparinn Inge­borg Eide Garðars­dóttir og sund­kappinn Snævar Örn Krist­manns­son eru íþrótta­fólk fatlaðra árið 2025 en verð­launin voru veitt við há­tíð­lega at­höfn á Grand Hótel í gær.

Snævar átti magnað ár, setti þrjátíu og þrjú Ís­lands­met, fimm Evrópu­met og á Ís­landsmóti SSÍ setti hann hvorki meira né minna en nýtt heims­met í 50 metra flug­sundi. Á heims­meistaramóti Virtus í Tælandi vann hann svo þrenn silfur­verð­laun.

„Ég er mjög ánægður og stoltur af sjálfum mér,“ sagði Snævar Örn í sam­tali við íþrótta­deild. „Það er bara mjög mikill heiður að fá að vera hérna.“

Á svona tíma­mótum er margs að þakka og er Snævar afar þakk­látur fyrir alla þjálfara sem hann hefur haft fram að þessum tíma­punkti, þeim liðum sem hann æfir með sem og fólkinu sem stendur að baki Íþrótta­sam­bandi fatlaðra.

„Svo vil ég þakka mömmu og pabba.“

Heims­metið í 50 metra flug­sundi í flokki s19 er klár­lega einn af há­punktunum á ári Snævars til þessa. Það setti hann á Ís­landsmóti SSÍ.

„Ég fékk að vita það fyrir sundið að ef ég myndi bæta tímann minn um ákveðið mikið þá gæti ég sett heims­met. Það var mitt mark­mið komandi inn í sundið. Ég náði því og fékk það síðar stað­fest, var reyndar á leiðinni í boðsund þá. Þetta var svaka­legt.“

Er það ekki virki­lega stórt fyrir mann sem íþrótta­mann að eiga heims­met?

„Jú, ég í raun get ekki út­skýrt það.“

Stórt ár að renna sitt skeið fyrir Snævar en hvernig horfir hann á fram­haldið?

„Ég vil gera allt sem ég gerði á þessi ári hraðar,“ svaraði Snævar lunkinn. „Það eru nokkur mót fram­undan og þar af leiðandi fleiri tækifæri til þess að gera allt það sem ég geri hraðar.“