KA vann nágrannaslaginn fyrir norðan

Þetta var mikill slagur milli þessara erkifjenda, harka á báðum endum vallarins og leikmenn köstuðu sér á eftir öllum lausum boltum.

Leikurinn var því bráðskemmtilegur og mjög spennandi framan af en spennan minnkaði eftir því sem líða fór á.

KA tók völdin í seinni hálfleik og náði fjögurra stiga forystu sem liðið lét aldrei af hendi.

Bjarni Ófeigur Valdimarsson átti stórleik fyrir KA og skoraði 14 mörk, auk þess að gefa 7 stoðsendingar.

Sigurinn kemur KA upp fyrir FH í fjórða sæti deildarinnar en Þór er í tíunda sætinu, jafnt Selfossi að stigum.